2023/05/30eko prentsa-oharra
HEZKUNTZAREN KONTUA. Aurrerapena. 2022
2022an, hezkuntzako gastua % 5,8 hazi da Euskal AEn, eta 4.710 milioi eurokoa izan da
Biztanleko hezkuntzako gastua 2.152 eurokoa izan da, 2021ean baino % 5,9 handiagoa
Euskal AEn 2022an hezkuntzan egindako gastu osoa % 5,8 hazi da, 2021aren aldean, eta 4.710 milioi eurokoa izan da, Eustatek emandako datuen arabera. Gastu osotik, 4.506 milioi gastu arruntekoak izan dira eta 204 milioi, kapital-eraketa gordinekoak.
Biztanleko, hezkuntzako gastua 2.152 eurokoa izan da, eta BPGd-ari dagokionez, % 5,5ekoa izan da, aurreko urtean baino ehuneko 0,2 puntu txikiagoa.
Hezkuntzaren Kontuak jasotzen ditu hezkuntza-erakundeetan nahiz beste edozein ikastetxe edo enpresa motatan egin diren eta iturri publiko edo pribatuek finantzatu dituzten hezkuntza-jarduera arautu zein arautu gabeetan egindako gastu arrunta eta kapital-gastua.
Hezkuntzaren datu eta adierazle nagusiak Euskal AEn. 2019-2022
| | 2019 | 2020 | 2021 | 2022(a) | Aldakuntza-tasa ( %) 2021/2020 | Aldakuntza-tasa ( %) 2022/2021 |
| HEZKUNTZAKO GUZTIZKO GASTUA (mila eurotan) | 4.165.555 | 4.182.404 | 4.451.000 | 4.709.566 | 6,4 | 5,8 |
| | | | | | | |
| GASTU ARRUNTA GUZTIRA | 3.988.685 | 3.993.830 | 4.265.015 | 4.505.690 | 6,8 | 5,6 |
| KAPITALAREN OSAKETA GORDINA | 176.870 | 188.574 | 185.985 | 203.876 | -1,4 | 9,6 |
| | | | | | | |
| Hezkuntzako gastua biztanleko (eurotan) | 1.899 | 1.904 | 2.033 | 2.152 | 6,7 | 5,9 |
| Hezkuntzako gastua BPGaren % gisa | 5,2 | 5,8 | 5,7 | 5,5 | -0,1 | -0,2 |
Data 2023ko Maiatzaren 30a
Iturria: Eustat. Hezkuntzaren Kontua
Azken urteotako datuen analisiak erakusten du 2020. urtearen ondoren, orduan, gastu pribatuan izandako murrizketaren ondorioz, gastu osoaren maila ia hazi ez zela kontuan hartuta, azken bi urteotan hazkuntza berreskuratu dela gastu-mailetan. Zehazki, 2021ean, % 6,4ko hazkuntza izan da, eta 4.451 milioi eurora iritsi da; hura, nagusiki, gastu arrunteko gastuaren ondorio izan da, 2020koa baino % 6,8 handiagoa izan baita. Aldi berean, 2022an, gora egin du bai gastu arruntak bai kapital-eraketa gordinak, % 5,6 eta % 9,6, hurrenez hurren.
Finantzaketaren egiturari dagokionez, azken urteotan, finantzaketa publikoa pribatuaren gainetik hazi da. Finantzaketa publikoa 2019an % 76,0koa izatetik 2022an % 77,0koa izatera igaro da, eta ehunekorik altuena 2020an izan da, gastu osoaren % 77,7ra iritsi baitzen.
Jarraian egiten den gastuaren analisi xehatua 2021ari dagokio; izan ere, behin betiko datuak eskuragarri dauden azken urtea da, analisi hori egiteko aukera ematen dutenak.
Finantzaketari dagokionez, eutsi egiten zaio gehiengo finantzaketa publikoari hezkuntza-zerbitzuetan (% 84,3) eta kapital-gastuan (% 61,9); finantzaketa pribatua, berriz, handiagoa da gainerako jarduera eta ondasunetan (% 58,1), bertan sartzen direla garraioa, eskola-jantokia, liburuak eta eskola-materiala.
Zuzeneko finantzaketa-iturriak Euskal AEn (%). 2021
| | Publikoa | Pribatua |
| HEZKUNTZAKO GUZTIZKO GASTUA | 77,2 | 22,8 |
| GASTU ARRUNTA | 77,9 | 22,1 |
| Hezkuntza-zerbitzuak | 84,3 | 15,7 |
| Gainerako jarduerak eta ondasunak | 41,9 | 58,1 |
| KAPITALAREN OSAKETA GORDINA | 61,9 | 38,1 |
Data 2023ko Maiatzaren 30a
Iturria: Eustat. Hezkuntzaren Kontua
Funtzioen araberako banakatzearen analisiak adierazten du 2021ean Hezkuntza eta Prestakuntza Zerbitzuak gastu osoaren % 81,3 izan zirela, eta Jarduera Osagarriak (garraioa, jantokia, egoitza...), berriz, % 6,6 (292 milioiko gastua). Aldi berean, Etxeetan erositako liburuen, eskola-materialaren eta beste ondasun batzuen partidako gastua 155 milioikoa izan zen (% 3,5). Hezkuntza-berrikuntzako gastuari eutsi egin zitzaion (% 3,4) eta Hezkuntza-sistemako administrazio orokorrarekin lotutako gastua guztizkoaren % 1,0ekoa izan zen. Azkenik, kapital-eraketa gordineko gastua guztizko gastuaren % 4,2koa izan zen, 2020an baino 0,3 puntu txikiagoa.
Euskal AEko hezkuntzako guztizko gastua, funtzioen arabera. 2019-2021
| | 2019 | 2020 | 2021 |
| | mila euro | % | mila euro | % | mila euro | % |
| HEZKUNTZAKO GUZTIZKO GASTUA | 4.165.555 | 100,0 | 4.182.404 | 100,0 | 4.451.000 | 100,0 |
| GASTU ARRUNTA | 3.988.685 | 95,8 | 3.993.830 | 95,5 | 4.265.015 | 95,8 |
| Hezkuntza eta prestakuntza zerbitzuak | 3.362.522 | 80,7 | 3.413.218 | 81,6 | 3.620.679 | 81,3 |
| Garraioa | 44.076 | 1,1 | 38.629 | 0,9 | 45.210 | 1,0 |
| Jantokia | 184.812 | 4,4 | 162.859 | 3,9 | 202.222 | 4,5 |
| Beste jarduera osagarri batzuk | 48.146 | 1,2 | 45.998 | 1,1 | 44.985 | 1,0 |
| Liburuak, Eskolako materiala eta etxeek erositako beste ondasun batzuk | 154.273 | 3,7 | 151.663 | 3,6 | 155.113 | 3,5 |
| Hezkuntza Sistemako Administrazio Orokorra | 42.419 | 1,0 | 41.343 | 1,0 | 44.887 | 1,0 |
| Irakaskuntzako ikerketa eta berrikuntza | 152.437 | 3,7 | 140.120 | 3,4 | 151.919 | 3,4 |
| KAPITAL ERAKETA GORDINA | 176.870 | 4,2 | 188.574 | 4,5 | 185.985 | 4,2 |
Data 2023ko Maiatzaren 30a
Iturria: Eustat. Hezkuntzaren Kontua
Nazioarteko konparazioari dagokionez, ELGAk argitaratu dituen azken datuak aztertzen dira, 2019koak. Urte horretan, Euskal AEn, Erosteko Ahalmenaren Parekotasunean ($) neurtutako ikasle bakoitzeko gastuaren guztizkoa hezkuntza-erakundeetan 14.386koa izan zen, lehen hezkuntzatik hirugarren hezkuntzarako etapak batuta. Hala, Espainiaren (10.694), EB22 batezbestekoaren (12.397), ELGAko batezbestekoaren (12.519) eta Frantzia (13.049) bezalako herrialdeen gainetik jarri zuen. Aldiz, besteak beste, Alemania (14.632) eta Suedia (15.337) herrialdeen azpitik. Taularen gorengo muturrean Luxenburgo dago (25.433).
Lehen, bigarren eta bigarrenaren ondoko hezkuntza-mailei dagokienez, Euskal AEren ikasleko gastua 13.583 ($) EAP izan zen, eta soilik egon zen Norvegiaren (15.816) eta Luxenburgoren (23.516) atzetik, gastu handieneko herrialdeen atzetik.
Argibide gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastian kalea, 1 01010 Vitoria-Gasteiz
Prentsa Zerbitzua: servicioprensa@eustat.es Tel.: 945 01 75 62