2023/07/27ko prentsa-oharra
ERAIKUNTZAREN KOSTUEN INDIZEA. 2023KO EKAINA
Eraikuntzaren kostuak % 0,1 jaitsi dira Euskal AEn 2023ko ekainean
Urtetik urterako balioetan, 2023ko ekainean % 3,4 igo dira prezioak 2022ko ekainaren aldean
Eraikuntzaren kostuen indizea % 0,1 jaitsi da Euskal AEn 2023ko ekainean, aurreko hilaren aldean, Eustaten datuen arabera. 2022ko hil berarekin alderatuta, kostuak % 3,4 igo dira.
Eraikuntzaren sektoreko kostuak berdin mantendu dira hiletik hilera; Obra Zibilekoak, berriz, % 0,1 jaitsi dira. 2022ko ekainarekin alderatuta, prezioak % 4,2 igo dira Eraikuntzan, eta % 0,2 Obra Zibilean.
Aurreko hilaren aldean (2023ko maiatza), lehengaien kostuak % 0,1 jaitsi dira, eta eskulanaren kostuak, berriz, konstanteak izan dira. Urtetik urterako balioetan, aldiz, lehengaien kostua % 3,8 igo da, eta eskulanarena % 2,1.
Lehengaien kostuak % 0,1 egin du behera hil batetik bestera Eraikuntzaren sektorean, baita Obra Zibilaren sektorean ere. Urtetik urterako bilakaeran, Eraikuntzako lehengaien kostuak % 4,9 igo dira, eta Obra Zibilekoak % 0,3 jaitsi.
Euskal AEko eraikuntzaren kostuen indizea. Aldakuntza-tasak (p). Ekaina 2023
| | Indizea | Aldakuntza (%) |
| | | m/m-1 | m/m-12 |
| Guztira | 125,5 | -0,1 | 3,4 |
| Eraikinak | 125,2 | 0,0 | 4,2 |
| Obra zibila | 126,5 | -0,1 | 0,2 |
| | | | |
| Lehengaiak | 127,5 | -0,1 | 3,8 |
| Eraikinak | 127,2 | -0,1 | 4,9 |
| Obra zibila | 128,7 | -0,1 | -0,3 |
| | | | |
| Laneskua | 119,1 | 0,0 | 2,1 |
Oinarria 2015=100
m / m-1 Azken hileko (m) aldakuntza-tasa, aurreko hilaren (m-1) aldean
m/m12 Azken hileko (m) aldakuntza-tasa, aurreko urteko hil beraren (m-12) aldean
(p)Behinbehineko datuak
Data 2023ko Uztailaren 27a
Iturria: Eustat. Eraikuntzaren Kostuen Indizea
Honako azpisektore hauetan izaten dituzte igoerarik handienak 2023ko ekainean 2022ko ekainaren aldean Eraikuntzaren sektoreak kontsumitutako lehengaien prezioek: Ez-metalezko meen industria (% 16,2), Zuraren eta kortxoaren industria (% 12,4), Kautxua eta plastikoa (% 10,9) eta Ez-metalezko meak (% 8,0). Aitzitik, hauek dira sektoreko lehengaiak diren produktuak ekoizten dituzten eta prezioen jaitsiera izan duten azpisektore nagusiak: Petrolioa fintzea (% 35,7 behera) eta Energia elektrikoa eta gasa (% 16,1 behera).
Euskal AEn kontsumitutako lehengaien prezioak, sektorearen arabera (A64). Urte arteko aldakuntza-tasa (p) . Ekaina 2023
| | m / m-12 |
| Ezmetalezko meak | 8,0 |
| Zuraren eta kortxoaren industria | 12,4 |
| Petrolioa fintzea | -35,7 |
| Industria kimikoa | -0,3 |
| Kautxua eta plastikoa | 10,9 |
| Produktu mineral ez-metalezkoak | 16,2 |
| Metalgintza | -7,9 |
| Metalezko artikuluak | 2,9 |
| Material elektronikoa | -0,1 |
| Material elektrikoa | 3,6 |
| Makineriaren fabrikazioa | 6,0 |
| Altzarigintza | 4,8 |
| Energia elektrikoa eta gasa | -16,1 |
Oinarria 2015=100
(p)Behinbehineko datuak
m/m12 Azken hileko (m) aldakuntza-tasa, aurreko urteko hil beraren (m-12) aldean
Data 2023ko Uztailaren 27a
Iturria: Eustat. Eraikuntzaren Kostuen Indizea
Informazio gehiago nahi izanez gero:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62