2023/09/06ko prentsa-oharra
ERAIKUNTZAREN KOIUNTURAKO INDIZEA. 2023/II
Eraikuntzaren sektoreko jarduera % 11,0 hazi da 2023ko bigarren hiruhilekoan Euskal AEn
Obra zibila % 19,2 hazi da, eta eraikuntza % 9,8
Eraikuntzaren sektoreko jarduera, Euskal AEn, 2023ko bigarren hiruhilekoan, prezio arruntetan, iazko hiruhileko berean baino % 11,0 handiagoa izan da, Eustaten datuen arabera.
Hiruhileko honetan, egutegiaren eraginak kendu ondoren prezio arruntetan izan den urtetik urterako igoera azaltzeko, kontuan izan behar dugu bai Obra Zibilak (% 19,2ko igoera, 2022ko bigarren hiruhilekoarekin alderatuta) bai Eraikingintzak (% 9,8ko hazkundea) portaera positiboa izan dutela.
Sektoreak 2023ko bigarren hiruhileko honetan izan duen jarduera aurreko hiruhilekokoarekin alderatuz gero, dagozkion urtaro-eraginak zuzendu ondoren, eraikuntzaren koiunturako indizea % 5,5 igo da, balio nominaletan edo prezio arruntetan adierazita. Eraikingintzako jarduera % 5,8 hazi da aurreko hiruhilekoarekin alderatuta, eta Obra Zibilekoa % 3,9.
Euskal AEko eraikuntzaren koiunturako indizea. Aldakuntza tasak (%). Uneko prezioak (p). 2023/II
| | Egutegiaren eragina zuzenduta | Desestazionalizatua |
| | t/t-4 | At/At-1 | t/t-1 |
| Produkzioaren indizea | 11,0 | 7,9 | 5,5 |
| Eraikinak | 9,8 | 6,7 | 5,8 |
| Obra zibila | 19,2 | 15,6 | 3,9 |
| | | | |
| Landunkopuruaren indizea | 0,1 | -0,1 | 0,5 |
Oinarria 2015
(p)Behinbehineko datuak
At/At-1: t urteko lehen hiruhilekotik t urteko azken hiruhilekora arteko aldi metatuaren urte arteko aldakuntza-tasa, t-1 urtearen aldi beraren aldean
Data 2023ko Irailaren 6a
Iturria: Eustat. Eraikuntzaren koiunturako indizea
Langile landunen indizea, aurreko hiruhilekoarekin alderatuta % 0,5 igo, eta 2023ko bigarren hiruhilekoan 2022ko bigarren hiruhilekoan baino % 0,1 handiagoa izan da.
Informazio-oharra
Eustatek eskerrak eman nahi dizkie informazioa biltzen lagundu duten establezimendu guztiei. Haiei esker, hiruhileko honetako indizea laginaren % 78,39ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea,1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62