2023/08/25eko prentsa-oharra
ERAIKUNTZAREN KOSTUEN INDIZEA. 2023KO UZTAILA
Eraikuntzaren kostuak % 0,6 jaitsi dira Euskal AEn 2023ko uztailean
2023ko uztailean, prezioak % 3,4 igo dira urtetik urterako ehunekoetan, 2022ko uztailaren aldean
Eustaten datuen arabera, Euskal AEko Eraikuntzaren kostuen indizea % 0,6 jaitsi da 2023ko uztailean, aurreko hilaren aldean. 2022ko hil berarekin alderatuta, berriz, kostuak % 3,4 igo dira.
Eraikingintzako kostuak % 0,6 jaitsi dira hiletik hilerako ehunekoetan, eta Obra Zibilekoak % 0,5. 2022ko uztailarekin alderatuta, Eraikingintzako prezioak % 3,8 igo dira, eta Obra Zibilekoak % 1,8.
Aurreko hilaren aldean (2023ko ekaina), lehengaien kostuak % 0,8 jaitsi dira, eta eskulanaren kostuak, berriz, konstanteak izan dira. Urtetik urterako ehunekoetan, aldiz, lehengaien kostua % 3,8 hazi da, eta eskulanarena % 2,1.
Lehengaien kostua % 0,8 gutxitu da hiletik hilera Eraikingintzaren sektorean, eta % 0,7 Obra Zibilean. Urtetik urterako bilakaeran, Eraikingintzako lehengaien kostuak % 4,3 gehitu dira, eta Obra Zibilekoak % 1,8.
Euskal AEko eraikuntzaren kostuen indizea. Aldakuntza-tasak (p). Uztaila 2023
| | Indizea | Aldakuntza (%) |
| | | m/m-1 | m/m-12 |
| Guztira | 124,7 | -0,6 | 3,4 |
| Eraikinak | 124,4 | -0,6 | 3,8 |
| Obra zibila | 125,8 | -0,5 | 1,8 |
| | | | |
| Lehengaiak | 126,4 | -0,8 | 3,8 |
| Eraikinak | 126,1 | -0,8 | 4,3 |
| Obra zibila | 127,8 | -0,7 | 1,8 |
| | | | |
| Laneskua | 119,1 | 0,0 | 2,1 |
Oinarria 2015=100
m / m-1 Azken hileko (m) aldakuntza-tasa, aurreko hilaren (m-1) aldean
m/m12 Azken hileko (m) aldakuntza-tasa, aurreko urteko hil beraren (m-12) aldean
(p)Behinbehineko datuak
Data 2023ko Abuztuaren 25a
Iturria: Eustat. Eraikuntzaren Kostuen Indizea
Eraikuntzaren sektorean kontsumitutako lehengaien prezioek azpisektore hauetan izan dituzte igoerarik handienak 2023ko uztailean, 2022ko uztailaren aldean: Ez-metalezko mineralak eta Kautxua eta plastikoa (% 10,8ko hazkundea bietan), Zuraren eta kortxoaren industria (% 8,5ekoa) eta Ez-metalezko industria (% 8,3koa). Aitzitik, sektoreko lehengaiak diren produktuak ekoizten dituzten azpisektore nagusi hauetan jaitsi dira gehien prezioak: Petrolioa fintzea (% 26,6ko jaitsiera), Energia elektrikoa eta gasa (% 21,3koa) eta Metalgintza (% 4,9koa).
Euskal AEn kontsumitutako lehengaien prezioak, sektorearen arabera (A64). Urte arteko aldakuntza-tasa (p) . Uztaila 2023
| | m / m-12 |
| Ezmetalezko meak | 10,8 |
| Zuraren eta kortxoaren industria | 8,5 |
| Petrolioa fintzea | -26,6 |
| Industria kimikoa | -4,7 |
| Kautxua eta plastikoa | 10,8 |
| Produktu mineral ez-metalezkoak | 8,3 |
| Metalgintza | -4,9 |
| Metalezko artikuluak | 1,1 |
| Material elektronikoa | 1,3 |
| Material elektrikoa | 3,5 |
| Makineriaren fabrikazioa | 5,0 |
| Altzarigintza | 5,5 |
| Energia elektrikoa eta gasa | -21,3 |
Oinarria 2015=100
(p)Behinbehineko datuak
m/m12 Azken hileko (m) aldakuntza-tasa, aurreko urteko hil beraren (m-12) aldean
Data 2023ko Abuztuaren 25a
Iturria: Eustat. Eraikuntzaren Kostuen Indizea
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62