2023/10/18ko prentsa-oharra
AKTIBITATEAREN UDAL ESTATISTIKA. 2022-01-01
Euskal AEko eskualde guztietan hobetu egin da okupazio-tasa 2022an
10 landunetik ia 4k bizitoki duten udalerrian egiten dute lan
2022ko urtarrilaren 1ean, Euskal AEn bizi diren 16 urteko eta gehiagoko biztanleen okupazio-tasa % 51,3 izan da; alegia, ehuneko 1,6 puntu egin du gora, 2021arekin alderatuta, Eustaten datuen arabera. Eskualde-mailan, eskualde guztiek izan dituzte hobekuntza esanguratsuak aurreko ekitaldiarekin alderatuta.
Gorbeialdea da okupazio-tasarik altuena duen eskualdea, % 57,4; ehuneko 1,7 puntu igo da, 2021aren aldean. Ondoren, Plentzia-Mungia ageri da, % 55,9ko tasarekin, ehuneko 1,4 puntu egin baitu gora aurreko urtearekin alderatuta. Hirugarrenik, Urola Kosta dago, % 55,8rekin; ehuneko 2 puntu egin du gora.
Udalerrien arabera, eta haien tamaina kontuan hartuta, 5.000 biztanletik beherakoek batez beste okupazio-tasa altua (% 54,3) dute. Talde horretan tasa nabarmen altuak dituzten udalerriak daude, hala nola Orendain (% 68,3), Irura (% 66,9) eta Aduna (% 65,7), bai eta okupazio-tasa baxuenak dituzten udalerriak ere, hala nola Elantxobe (% 41,4), Lanestosa (% 41,7), Sukarrieta (% 42,3) eta Harana eta Ekora (biek % 42,7).
Hurrengo udalerri-estratuan (5.000 eta 10.000 biztanle artean), batez besteko okupazio-tasa % 53,2 izan da. Goiko muturrean Astigarraga eta Urduliz nabarmentzen dira (% 68,3 eta % 60,7, hurrenez hurren). Beheko muturrean, Balmaseda (% 46,6), Lekeitio (%46,9) eta Ondarroa (% 47,5) daude.
10.000 eta 40.000 biztanle bitarteko udalerrien estratuan, batez besteko okupazio-tasa % 52,6 da; Etxebarri nabarmentzen da % 62rekin, eta, ondoren, Sopela % 58,2rekin. Hurrengo estratuan (40.000 biztanle baino gehiago eta 100.000 biztanle baino gutxiago dituzten udalerriak), Errenteriak du okupazio-tasarik altuena (% 52,1); ondoren, Irunek (% 50,5) eta, gero, Barakaldok (% 50,4). Estratu horren batezbestekoa % 48,6 da.
Azkenik, hiriburuei dagokienez, Gasteizek du okupazio-tasarik altuena (% 52,7). Donostia dago ondoren, ehuneko 1,5 puntuko aldearekin (% 51), eta Bilbo hirugarren posizioan, % 48,2ko okupazio-tasarekin.
10 landunetik ia 4k bizitoki duten udalerrian egiten dute lan
Euskal AEn landunen % 38,5ek bizitoki duten udalerrian lan egiten dute. Proportzio hori handiagoa da Araban, 10 landunetik 7 baitira (% 69,3), eta txikiagoa Gipuzkoan, bizitoki duten udalerrian 10 landunetik 4k egiten baitute lan (% 36,7), eta Bizkaian, 10etik 3 baitira (% 30,5). Bestalde, landunen % 51,3k beste udalerri batean egiten dute lan beren lurralde historikoaren barruan. Proportzio horiek % 60,1 eta % 54,1 dira Bizkaian eta Gipuzkoan, hurrenez hurren. Araban, biztanle landunen % 16 baino ez.
Hamar landunetik seik baino ez dute goi-prestakuntza
Amaitutako prestakuntza-mailak informazioa gehitzen dio okupazioari eta langabeziari buruzko analisiari. Gaur egun, landunen % 60,2k goi-prestakuntza dute; haren barruan sartzen dira goi-mailako lanbide-heziketa dutenak (% 20,6) eta unibertsitate-hezkuntza dutenak (% 39,6). Langabeetan, hezkuntza-maila hori % 37,5i dagokio: goi-mailako lanbide-heziketa dutenak % 16,5 dira, eta unibertsitate-hezkuntza dutenak % 21. Bestalde, langabeen % 39,1ek lehen mailako ikasketak baino ez dituzte edo ez dute titulaziorik; ehuneko hori askoz ere txikiagoa da landunen artean: % 19,6.
Euskal AEko biztanleria landunaren eta langabearen artean lortutako prestakuntza-maila, sexuari jarraiki (%). 2022
| | Biztanleria landuna | --Biztanleria langabea |
| | Guztira | Gizonak | Emakumeak | Guztira | Gizonak | Emakumeak |
| | | | | | | |
| A. Bigarren eta beheko hezkuntzako lehen etapa (0-2 maila) | 19,6 | 16,8 | 21,2 | 39,1 | 40,5 | 38,0 |
| 0. Lehen hezkuntza baino gutxiago | 0,4 | 0,3 | 0,3 | 1,6 | 1,5 | 1,7 |
| 1. Lehen hezkuntza | 2,2 | 2,0 | 3,8 | 6,3 | 5,6 | 6,8 |
| 2. Behe-mailako bigarren hezkuntza: DBHra arte eta baliokideak | 17,0 | 14,5 | 17,1 | 31,2 | 33,4 | 29,5 |
| | | | | | | |
| B. Bigarren hezkuntzako bigarren etapa eta goi mailakoa ez den bigarren hezkuntzaren ondokoa (3-4 maila) | 20,2 | 18,7 | 22,0 | 23,4 | 23,8 | 23,0 |
| 3. Goi Mailako Bigarren Hezkuntza: Batxilergoa, Lanbide Heziketa, erdi-mailako zikloa eta baliokideak | 19,6 | 18,0 | 21,5 | 22,6 | 23,2 | 22,1 |
| 4. Hirugarren mailakoa ez den bigarren hezkuntzaren ondoko hezkuntza: 3. mailako lanbide-ziurtagiriak eta baliokideak | 0,6 | 0,7 | 0,5 | 0,8 | 0,6 | 0,9 |
| | | | | | | |
| Goi-mailako ikasketak (doktoregoa barne) (5-8 maila) | 60,2 | 64,5 | 56,8 | 37,5 | 35,7 | 39,0 |
| 5. Lanbide-heziketako goi-mailako zikloaren eta baliokideen jarduerak | 20,6 | 17,2 | 20,2 | 16,5 | 17,2 | 16,0 |
| 6. Unibertsitate-ikasketak, diplomaturak eta baliokideak | 13,6 | 17,3 | 13,0 | 7,8 | 6,3 | 9,1 |
| 7. Lizentziaturak, gradu bikoitzak eta masterrak | 24,3 | 28,1 | 22,1 | 12,5 | 11,5 | 13,3 |
| 8. Doktorego-txartela edo baliokidea | 1,7 | 1,9 | 1,5 | 0,7 | 0,7 | 0,6 |
Data 2023ko Urriaren 18a
Iturria: Eustat. Aktibitatearen udal estatistika
Lanari eta langabeziari dagozkien aldeak sexuaren arabera aztertzean ikusten da gizon landunen artean % 64,5ek goi-mailako hezkuntza dutela; ehuneko hori txikiagoa da emakumeen artean: % 56,8. Langabeen artean, emakumeen % 39k goi-mailako hezkuntza dute; proportzio hori txikiagoa da egoera berean dauden gizonen artean: % 35,7.
197 udalerritan langabezia-tasa batezbestekoa baino txikiagoa da, eta 7tan % 3tik beherakoa
16 urteko eta gehiagoko biztanleen langabezia-tasak behera egin du eskualde guztietan 2021aren eta 2022aren artean. Arlo horietako hamabostetan langabezia-tasak baxuagoak dira batezbestekoa baino, hura % 9,7 baita; alegia, ehuneko 1,7 puntu jaitsi da aurreko urtearekin alderatuta. Langabezia-tasa baxuagatik honako hauek nabarmentzen dira: Urola Kosta (% 6,8); Gorbeialdea (% 6,9), eta Arabako Mendialdea eta Debagoiena (% 7 bi kasuetan). Bestalde, langabezia-tasa altuenak Enkarterrin eta Bilbo Handian izan dira (% 11,9 eta % 11,5, hurrenez hurren).
Euskal AEko 16 urte eta gehiagoko biztanleriaren langabezia-tasa, lurralde-eremuen eta sexuaren arabera (%). 2022
| | Biztanleria langabea | 2022-2021 |
| | Guztira | Gizonak | Emakumeak | |
| | | | | |
| Euskal AE | 9,7 | 8,4 | 11,1 | -1,7 |
| | | | | |
| Lurralde historikoak | | | | |
| Araba/Álava | 9,8 | 8,1 | 11,6 | -2,1 |
| Bizkaia | 10,9 | 9,7 | 12,1 | -1,5 |
| Gipuzkoa | 7,9 | 6,6 | 9,1 | -1,6 |
| | | | | |
| Eskualdeak | | | | |
| Urola-Kostaldea / Urola Costa | 6,8 | 5,5 | 8,1 | -2,0 |
| Gorbeialdea / Estribaciones del Gorbea | 6,9 | 6,1 | 7,9 | -1,4 |
| Arabako Mendialdea / Montaña Alavesa | 7,0 | 6,2 | 8,1 | -1,5 |
| Debagoiena / Alto Deba | 7,0 | 6,0 | 8,1 | -1,4 |
| Tolosaldea / Tolosa | 7,1 | 5,9 | 8,5 | -1,4 |
| Goierri | 7,3 | 5,6 | 9,3 | -1,4 |
| Donostialdea / Donostia-San Sebastián | 7,8 | 7,0 | 8,6 | -1,7 |
| Markina-Ondarroa | 8,2 | 7,8 | 8,7 | -2,9 |
| Durangaldea / Duranguesado | 8,4 | 6,6 | 10,4 | -1,7 |
| Plentzia-Mungia | 8,5 | 7,9 | 9,2 | -1,8 |
| Añana | 8,7 | 7,5 | 10,3 | -2,5 |
| Debabarrena / Bajo Deba | 9,1 | 7,0 | 11,4 | -1,6 |
| Arratia Nerbioi / Arratia-Nervión | 9,4 | 8,5 | 10,5 | -1,4 |
| Arabako Kantaurialdea / Cantábrica Alavesa | 9,5 | 7,4 | 11,7 | -2,5 |
| Gernika-Bermeo | 9,6 | 9,1 | 10,1 | -2,0 |
| Arabako Lautada / Llanada Alavesa | 10,0 | 8,3 | 11,7 | -2,0 |
| Bidasoa Behea / Bajo Bidasoa | 10,0 | 8,1 | 11,9 | -1,8 |
| Arabako Errioxa / Rioja Alavesa | 10,0 | 7,6 | 13,2 | -3,5 |
| Bilbo Handia / Gran Bilbao | 11,5 | 10,3 | 12,7 | -1,4 |
| Enkartazioak / Encartaciones | 11,9 | 9,6 | 14,4 | -1,2 |
Data 2023ko Urriaren 18a
Iturria: Eustat. Aktibitatearen udal estatistika
Udalerrien tamainari dagokionez, ikusten da langabezia-tasa biztanle kopuru txikiena duten udalerrien estratuetan dela baxuena. 5.000 biztanle baino gutxiagoko udalerrien taldea nabarmentzen da, % 8,1eko langabezia-tasarekin. Ondoren, 10.000 eta 40.000 biztanle bitarteko estratua dago (% 8,7), eta ehuneko puntu hamarren bat gehiagorekin 5.000 eta 10.000 biztanle bitarteko Euskal AEko udalerriak (% 8,8ko langabezia-tasa). % 11,3ko tasarekin 40.000 eta 100.000 biztanle bitarteko estratua dago, autonomia-erkidegoko batez besteko langabezia-tasaren gainetik.
Hiriburuei dagokienez, Donostiak du langabezia-tasa baxuena (% 7,7), eta Gasteizek eta Bilbok autonomia-erkidegoko batezbestekoaren gaineko langabezia-tasak dituzte (% 10,1 eta % 12,5, hurrenez hurren).
Guztira 197 udalerrik batezbestekoaren (% 9,7) azpitik dagoen langabezia-tasa dute; alegia, udalerrien % 78k. Muturretan, 7 udalerrik % 3tik beherako langabezia-tasa dute; honako hauek, txikienetik handienera antolatuta: Gaintza, Zerain, Aduna, Albiztur, Kripan, Garai eta Altzaga. Denak ere biztanle kopuru txikieneko estratukoak dira (5.000 biztanle artekoak). Beste muturrean, 8 udalerritan langabezia-tasa % 13 baino handiagoa da (tasa handienetik txikienera antolatuta): Sestao, Balmaseda, Lanestosa, Oion, Sukarrieta, Santurtzi, Elantxobe eta Ortuella.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62