2023/11/03ko prentsa-oharra
INDUSTRIA-PRODUKZIOAREN INDIZEA. 2023KO IRAILA
Euskal AEko industria-jarduera % 2,7ko igo da 2023ko irailean
Aurreko hilarekin alderatuta, produkzioak % 1,6ko hazkundea izan du
Eustatek landutako datuen arabera, eta lan-egutegiko balio homogeneoetan, Euskal AEko 2023ko iraileko industria-produkzioa joan den urteko hil berekoa baino % 2,7 handiagoa izan da. 2023ko lehen bederatzi hiletan metatutako produkzioa, berriz, joan den urteko aldi metatu berekoa baino % 0,3 txikiagoa izan da.
2023ko abuztuarekin alderatuta, Euskal AEko industria-jarduerak % 1,6ko igoera izan du azken hilean, urtaro-eraginak zuzendu ondoren.
Ondasunen xede ekonomikoa kontuan hartuta, Bitarteko ondasunak sektorean (metalurgia eta produktu metalikoen fabrikazioa; industria kimikoa, eta kautxuzko eta plastikozko produktuen fabrikazioa biltzen ditu), produkzioa % 1,5 igo da urtetik urtera.
Ekipo-ondasunak sektoreak ere (ibilgailu motordunen fabrikazioa; tren-makinen eta trenbide-materialaren eraikuntza, eta aireontzi edo itsasontzien eraikuntza biltzen ditu) gora egin du joan den urteko irailarekin alderatuta (% 8,2ko igoera).
Energiaren produkzioak, berriz, % 5,1eko beherakada izan du 2023ko irailean, joan den urteko irailarekin alderatuta. Sektore horretan, energia elektrikoaren produkzioa eta hornidura, eta petrolioa fintzea sartzen dira.
Kontsumo-ondasunek ere urtetik urterako portaera negatiboa agertu dute 2023ko irailean, eta produkzioak % 4,0 egin du behera sektore osoan. Beherakada hori Kontsumo-ondasun iraunkorren portaeragatik gertatu da nagusiki (besteak beste, altzarien eta etxeko aparatuen fabrikazioa hartzen du barnean epigrafe horrek). Izan ere, ondasun horien produkzioak % 15,4ko beherakada izan du. Kontsumo-ondasun ez-iraunkorren produkzioa, bestalde, % 1,1 jaitsi da. Azken horien artean, honako jarduera hauek daude: elikagaiak prozesatu eta kontserbatzeko jarduerak; garbiketarako eta higienerako produktuen fabrikazioa; farmazia-produktuak, eta jantzigintza.
Euskal AEko Industria produkzioaren indizea lurralde historikoaren eta ondasunen helburu ekonomikoaren arabera. Aldakuntza-tasak (p). Iraila 2023
| | Egutegi eraginak zuzendutako datuak | Datu desestazionalizatuak |
| | m / m-12 | Am / A(m-12) | m / m-1 |
| INDIZE OROKORRA | | | |
| Euskal AE | 2,7 | -0,3 | 1,6 |
| Araba/Álava | 0,5 | 0,4 | 2,5 |
| Bizkaia | 1,8 | 0,0 | 1,9 |
| Gipuzkoa | 4,9 | -1,1 | 0,7 |
| ONDASUNEN HELBURU EKONOMIKOAREN ARABERAKO INDIZEAK | | | |
| Kontsumo-ondasunak | -4,0 | 0,6 | -0,7 |
| Kontsumoondasun iraunkorrak | -15,4 | -10,0 | -3,7 |
| Kontsumoondasun ez-iraunkorrak | -1,1 | 3,2 | 0,0 |
| Ekipo-ondasunak | 8,2 | 3,1 | 5,6 |
| Bitarteko ondasunak | 1,5 | -0,4 | 0,9 |
| Energia | -5,1 | -9,7 | 6,1 |
(p)Behinbehineko datuak
m/m12 Azken hileko (m) aldakuntza-tasa, aurreko urteko hil beraren (m-12) aldean
Am / A(m-12) Urte arteko aldakuntza-tasa , urtarriletik behatutako azken hilera arte metatutako aldian (Am), aurreko urtean pilatutako aldi beraren (A(m-12)) aldean
m / m-1 Azken hileko (m) aldakuntza-tasa, aurreko hilaren (m-1) aldean
Data 2023ko Azaroaren 3a
Iturria: Eustat. Industria-produkzioaren indizea
Xeheago azalduta, Euskal AEko industrian pisurik handiena duten sektoreen artean, Makineria eta ekipoak eta Garraio-materialak izan dute 2023ko irailean urtetik urterako igoerarik handiena (% 7,6 eta % 5,8, hurrenez hurren). Produkzioan urtetik urterako beherakadarik handiena izan duten sektoreak, berriz, honako hauek izan dira: Energia elektrikoa, gasa eta lurruna (% 10,2ko beherakada); Zurgintza, papera eta arte grafikoak (% 9,1eko beherakada), eta Elikaduraren, edarien eta tabakoaren industriak (% 7,6ko beherakada).
Euskal AEko Industria produkzioaren indizea. Sektore A38 nagusiak (1). Urte arteko hazkunde-tasa (p). Iraila 2023
| | m / m-12 |
| Elikadura ind., edariak, tabakoa | -7,6 |
| Zurgintza, papera eta arte grafikoak | -9,1 |
| Kautxua eta plastikoak | 1,3 |
| Metalurgia eta produktu metalikoak | 2,4 |
| Materiala eta tresna elektrikoak | 4,6 |
| Makineria eta tresneria | 7,6 |
| Garraio-materiala | 5,8 |
| Energia elektrikoa, gasa eta lurruna | -10,2 |
(p)Behinbehineko datuak
Egutegi eraginak zuzendutako datuak
(1)Euskal Aeko industrian pisurik handiena duten sektoreak
Data 2023ko Azaroaren 3a
Iturria: Eustat. Industria-produkzioaren indizea
2023ko irailean, industria-produkzioaren indizearen urtetik urterako bilakaera positiboa izan da hiru lurralde historikoetan. Gipuzkoan, produkzioak % 4,9ko igoera izan du; Bizkaian, % 1,8koa, eta, Araban, berriz, % 0,5ekoa.
2023KO IRAILEKO BALANTZE METATUA
Urteko lehen bederatzi hiletako metatuan, industria-produkzioaren indizea % 0,3 jaitsi da, Energiaren % 9,7ko beherakadaren ondorioz. Bitarteko ondasunek ere bilakaera negatiboa izan dute joan den urtean metatutako aldi berarekin alderatuta (% 0,4ko beherakada). Ekipo-ondasunen eta Kontsumo-ondasunen kasuan, berriz, irailera arte metatutako produkzioa % 3,1 eta % 0,6 igo da, hurrenez hurren.
Lurralde historikoak kontuan hartuta, 2023ko lehen bederatzi hiletako metatuak balantze positiboa izan du Araban: % 0,4ko igoera. Gipuzkoan, produkzioak % 1,1eko beherakada izan du metatutako aldian, eta Bizkaian, berriz, joan den urtean metatutako aldi bereko maila berari eutsi dio produkzioak.
INFORMAZIO-OHARRA
Eustatek eskerrak eman nahi dizkie informazioa biltzen lagundu diguten establezimendu guztiei. Haiei esker, hil honetako indizea laginaren % 91,23ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62