2023/12/04 Prentsa-oharra
INDUSTRIA-PRODUKZIOAREN INDIZEA. 2023ko URRIA
Euskal AEko industria-jarduera %0,8 jaitsi zen 2023ko urrian
Produkzioa %0,4 jaitsi da aurreko hilaren aldean
Eustaten datuen arabera, eta lan-egutegi homogeneoari dagokionez, Euskal AEko industria-produkzioa aurreko urteko hil berean izandakoa baino %0,8 txikiagoa izan da 2023ko urrian. 2023ko lehenengo hamar hilabeteetan metatutako produkzioa aurreko urteko aldi metatuan izandakoa baino %0,4 txikiagoa izan zen.
Aurreko hilaren aldean (2023ko iraila), Euskal AEko industria jarduera %0,4 murriztu da urri honetan, urtaroen eragina zuzenduta.
Ondasunen helburu ekonomikoaren arabera, Bitarte-ondasunetan produkzioaren urte arteko jaitsiera %3,2koa izan da, hala nola metalurgia eta produktu metalikoen fabrikazioan, industria kimikoan eta kautxuzko eta plastikozko produktuen fabrikazioan.
Kontsumo-ondasunek ere urte arteko joera negatiboa izan dute 2023ko urrian, produkzioa %3,2 murriztu baita sektore osoan. Jaitsiera hori Kontsumo-ondasun iraunkorren joerak eragin du; besteak beste, altzarien eta etxeko tresnen fabrikazioak izan du eragina, %18,1eko murrizketa izan baitute. Kontsumo-ondasun ez iraunkorren produkzioa, aldiz, %1,1 igo da: besteak beste, elikagaiak prozesatzeko eta kontserbatzeko jarduerak, garbiketarako eta higienerako produktuen fabrikazioa, eta farmazia-produktuak eta jantziak egitea.
Energiaren produkzioa ere jaitsi egin da 2023ko urrian, %9,5 urte artean. Sektore honetan sartzen dira, hala energia elektrikoaren ekoizpena eta hornidura, nola petrolioaren finketa.
Aitzitik, Ekipo-ondasunetan produkzioa %7,1 igo da aurreko urteko urriaren aldean. Horien barruan sartzen dira ibilgailu motordunen fabrikazioa, tren-makinen eta tren-materialen eraikuntza eta aeronautika- edo ontzigintza-eraikuntza
Euskal AEko Industria produkzioaren indizea lurralde historikoaren eta ondasunen helburu ekonomikoaren arabera. Aldakuntza-tasak (p). Urria 2023
| | Egutegi eraginak zuzendutako datuak | Datu desestazionalizatuak |
| | m / m-12 | Am / A(m-12) | m / m-1 |
| INDIZE OROKORRA | | | |
| Euskal AE | -0,8 | -0,4 | -0,4 |
| Araba/Álava | -1,5 | 0,2 | -1,3 |
| Bizkaia | -1,5 | -0,1 | -1,1 |
| Gipuzkoa | 0,4 | -0,9 | 0,9 |
| ONDASUNEN HELBURU EKONOMIKOAREN ARABERAKO INDIZEAK | | | |
| Kontsumo-ondasunak | -3,2 | 0,3 | 1,8 |
| Kontsumoondasun iraunkorrak | -18,1 | -10,4 | 2,3 |
| Kontsumoondasun ez-iraunkorrak | 1,1 | 3,0 | 1,7 |
| Ekipo-ondasunak | 7,1 | 3,5 | 0,8 |
| Bitarteko ondasunak | -3,2 | -0,6 | -1,5 |
| Energia | -9,5 | -9,7 | -2,3 |
(p)Behinbehineko datuak
m/m12 Azken hileko (m) aldakuntza-tasa, aurreko urteko hil beraren (m-12) aldean
Am / A(m-12) Urte arteko aldakuntza-tasa , urtarriletik behatutako azken hilera arte metatutako aldian (Am), aurreko urtean pilatutako aldi beraren (A(m-12)) aldean
m / m-1 Azken hileko (m) aldakuntza-tasa, aurreko hilaren (m-1) aldean
Data 2023ko Abenduaren 4a
Iturria: Eustat. Industria-produkzioaren indizea
Euskal AEko industria-sektore garrantzitsuenen artean, urte arteko hazkunde handiena izan duten sektoreak hauek izan dira: Garraio-materiala (%6,6), Makineria eta ekipoa (%5,6) eta Material eta ekipo elektrikoa (%5,6). Aitzitik, 2023ko urrian urte arteko jaitsierarik handiena izan dutenak Energia elektrikoa, gasa eta lurruna (%12,6) eta Zura, papera eta arte grafikoak (%12,0) izan dira.
Euskal AEko Industria produkzioaren indizea. Sektore A38 nagusiak (1). Urte arteko hazkunde-tasa (p). Urria 2023
| | m / m-12 |
| Elikadura ind., edariak, tabakoa | 0,0 |
| Zurgintza, papera eta arte grafikoak | -12,0 |
| Kautxua eta plastikoak | -4,8 |
| Metalurgia eta produktu metalikoak | -2,7 |
| Materiala eta tresna elektrikoak | 5,6 |
| Makineria eta tresneria | 5,6 |
| Garraio-materiala | 6,6 |
| Energia elektrikoa, gasa eta lurruna | -12,6 |
(p)Behinbehineko datuak
Egutegi eraginak zuzendutako datuak
(1)Euskal Aeko industrian pisurik handiena duten sektoreak
Data 2023ko Abenduaren 4a
Iturria: Eustat. Industria-produkzioaren indizea
2023ko urrian, negatiboa izan da Araban eta Bizkaian Industria-produkzioaren indizearen urte arteko bilakaera, bietan %1,5eko jaitsiera izan baitu. Gipuzkoan, aldiz, industriaren sektoreak %0,4 egin du gora 2022ko urriaren aldean.
2023ko URRIKO BALANTZE METATUA
Urteko lehen hamar hilabeteetako metatuan, Industria-Produkzioaren Indizea %0,4 jaitsi da, Energiaren %9,7ko jaitsierak eraginda. Bitarte-ondasunek ere bilakaera negatiboa metatu dute (%0,6ko jaitsiera), aurreko urteko aldi berarekin konparatuz. Ekipo-ondasunetan, aldiz, urrira arte metatutako produkzioa %3,5 igo da eta, azkenik, Kontsumo-ondasunetan % 0,3.
Lurralde Historikoka, 2023ko lehen hamar hilabeteetako metatua balantze negatiboarekin itxi da Bizkaian eta Gipuzkoan, %0,1eko eta %0,9ko jaitsierekin, hurrenez hurren. Araban, azkenik, produkzioaren igoera metatua %0,2koa izan da urteko lehen hamar hilabeteetan.
INFORMAZIO-OHARRA
Eustatek eskerrak eman nahi dizkie informazioa biltzen lagundu duten establezimendu guztiei. Horiei esker, hilabete honetako indizea laginaren %91,07ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62