2024/03/06ko prentsa-oharra
INDUSTRIA-PRODUKZIOAREN INDIZEA. 2024ko URTARRILA
Euskal AEko industria-jarduera %1,3 gehitu zen 2024ko urtarrilean
2023ko abenduarekin alderatuta, produkzioa %3,7 jaitsi da
Eustaten datuen arabera, eta lan-egutegi homogeneoari dagokionez, Euskal AEko industria-produkzioa aurreko urteko hil berekoa baino %1,3 handiagoa izan da 2024ko urtarrilean.
Aurreko hilaren aldean, Euskal AEko industria-jarduera %3,7 murriztu da azken hilabetean, urtaroen eragina zuzenduta.
Ondasunen helburu ekonomikoaren arabera, Energiaren produkzioa %8,9 igo da 2024ko urtarrilean, aurreko urteko hil beraren aldean. Sektore honetan sartzen dira energia elektrikoa ekoiztea eta hornidura eta petrolioa fintzea.
Ekipoko ondasunak ekoiztea, non sartzen baitira ibilgailu motordunen fabrikazioa, tren-makinen eta tren-materialen eraikuntza eta aeronautikaren edo itsasontzien eraikuntza, %5,4 hazi da, aurreko urteko urtarrilaren aldean.
Kontsumo-ondasunek ere urte arteko joera positiboa izan dute 2024ko urtarrilean, produkzioa %0,5 hazi baita sektore osoan. Igoera hori Kontsumo-ondasun ez-iraunkorren portaerari zor zaio, %2,4ko igoera izan dute eta. Azken honetan daude elikagaiak prozesatzeko eta kontserbatzeko jarduerak, garbiketarako eta higienerako produktuen fabrikazioa, farmazia-produktuak eta jantziak egitea. Kontsumo-ondasun iraunkorren ekoizpenak, aldiz, %7,3 egin du atzera. Azken horien artean, besteak beste, altzarien eta etxeko tresnen fabrikazioa jasotzen da.
Bitarteko ondasunetan, metalurgia eta produktu metalikoen fabrikazioa, industria kimikoa eta kautxuzko eta plastikozko produktuen fabrikazioa barne, %3,0ko urte arteko jaitsiera izan da.
Euskal AEko Industria produkzioaren indizea lurralde historikoaren eta ondasunen helburu ekonomikoaren arabera. Aldakuntza-tasak (p). Urtarrila 2024
| | Egutegi eraginak zuzendutako datuak | Datu desestazionalizatuak |
| | m / m-12 | Am / A(m-12) | m / m-1 |
| INDIZE OROKORRA | | | |
| Euskal AE | 1,3 | 1,3 | -3,7 |
| Araba/Álava | -3,3 | -3,3 | -3,6 |
| Bizkaia | 4,5 | 4,5 | -2,3 |
| Gipuzkoa | 1,0 | 1,0 | -5,1 |
| ONDASUNEN HELBURU EKONOMIKOAREN ARABERAKO INDIZEAK | | | |
| Kontsumo-ondasunak | 0,5 | 0,5 | 0,7 |
| Kontsumoondasun iraunkorrak | -7,3 | -7,3 | -0,3 |
| Kontsumoondasun ez-iraunkorrak | 2,4 | 2,4 | 0,9 |
| Ekipo-ondasunak | 5,4 | 5,4 | -3,0 |
| Bitarteko ondasunak | -3,0 | -3,0 | -3,5 |
| Energia | 8,9 | 8,9 | 2,1 |
(p)Behinbehineko datuak
m/m12 Azken hileko (m) aldakuntza-tasa, aurreko urteko hil beraren (m-12) aldean
Am / A(m-12) Urte arteko aldakuntza-tasa , urtarriletik behatutako azken hilera arte metatutako aldian (Am), aurreko urtean pilatutako aldi beraren (A(m-12)) aldean
m / m-1 Azken hileko (m) aldakuntza-tasa, aurreko hilaren (m-1) aldean
Data 2024ko Martxoaren 6a
Iturria: Eustat. Industria-produkzioaren indizea
Euskal AEko industriako pisurik handieneko sektoreen artean, urte arteko hazkunde-maila handiena izan dutenak Makineria eta ekipoa (%9,2) eta Energia elektrikoa, gasa eta lurruna (%4,6) izan dira. Aitzitik, 2024ko urtarrilean beherakadarik handienak izan dituztenak Zura, papera eta arte grafikoak (%7,4) eta Kautxua eta plastikoak (%5,6) izan dira.
Euskal AEko Industria produkzioaren indizea. Sektore A38 nagusiak (1). Urte arteko hazkunde-tasa (p). Urtarrila 2024
| | m / m-12 |
| Elikadura ind., edariak, tabakoa | -3,7 |
| Zurgintza, papera eta arte grafikoak | -7,4 |
| Kautxua eta plastikoak | -5,6 |
| Metalurgia eta produktu metalikoak | -4,6 |
| Materiala eta tresna elektrikoak | 3,7 |
| Makineria eta tresneria | 9,2 |
| Garraio-materiala | -1,5 |
| Energia elektrikoa, gasa eta lurruna | 4,6 |
(p)Behinbehineko datuak
Egutegi eraginak zuzendutako datuak
(1)Euskal Aeko industrian pisurik handiena duten sektoreak
Data 2024ko Martxoaren 6a
Iturria: Eustat. Industria-produkzioaren indizea
2024ko urtarrilean Industria-produkzioaren indizearen urte arteko bilakaera positiboa izan da Bizkaian eta Gipuzkoan, produkzioa %4,5 eta %1,0 igo baita, hurrenez hurren. Araban, aldiz, industri sektorearen produkzioa %3,3 jaitsi da urte artean.
INFORMAZIO-OHARRA
Eustatek eskerrak eman nahi dizkie informazioa biltzen lagundu duten establezimendu guztiei. Horiei esker, hilabete honetako indizea laginaren %89,29ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62