2024/05/17ko prentsa-oharra
MERKATUKO BESTE ZERBITZU BATZUEN INDIZEA. 2024/I
Euskal AEko merkatuko zerbitzuen sektorearen salmentak % 2,4 igo dira 2024ko lehen hiruhilekoan
Aurreko hiruhilekoaren aldean, salmentak % 1,4 gehitu dira
Eustaten datuen arabera, Euskal AEko Merkatuko beste zerbitzu batzuk sektoreko salmentak % 2,4 gehitu dira 2024ko lehen hiruhilekoan, aurreko urteko hiruhileko beraren aldean, prezio konstanteetan eta egutegiaren eraginak kenduta. Sektore honetan Garraioa, Ostalaritza, Informazioa eta komunikazioak eta Enpresentzako zerbitzu-jarduerak sektoreek eskainitako zerbitzuak kontabilizatzen dira.
Aurreko hiruhilekoaren aldean, prezio finkoetan eta dagozkien urtaro-eraginak aterata, salmentak % 1,4 igo dira 2024ko lehen hiruhilekoan.
Merkatuko beste zerbitzu batzuk sektorearen barruan, salmenta errealen urte arteko susperraldia (prezio konstanteetan) orokorra izan da. Jarduera profesional, zientifiko eta teknikoetan salmentek % 3,7 egin dute gora, Ostalaritzan % 2,7, Garraio eta biltegiratzean % 2,3, Informazio eta komunikazioetan % 2,1 eta, azkenik, Jarduera administratibo eta zerbitzu lagungarrietan salmentek % 0,2 egin dute gora aurreko urteko hiruhileko beraren aldean.
2024ko lehen hiruhilekoa 2023ko laugarren hiruhilekoarekin alderatuta, salmenten portaera positiboa ikusten da ia sektore guztietan. Horrela, Jarduera profesional, zientifiko eta teknikoen sektorean salmentak hiruhileko artean % 1,8 gehitu dira, Ostalaritzan % 1,2, Garraio eta biltegiratzean % 1,1 eta, azkenik, Jarduera administratibo eta zerbitzu osagarrietan salmentak 2023ko azken hiruhilekoan egindakoak baino % 0,3 handiagoak izan dira. Portaera negatiboa izan duen sektore bakarra Informazioa eta komunikazioak izan da, non salmentak hiruhileko artean % 0,4 jaitsi diren.
Merkatuko beste zerbitzu batzuen indizea. Behin-behineko datuak. 2024/I
| | Prezio finkoak |
| | t / t-4 | t / t-4 | At / A(t-4) |
| INDIZE OROKORRA | 2,4 | 1,4 | 2,4 |
| Garraioa eta biltegiratzea | 2,3 | 1,1 | 2,3 |
| Ostalaritza | 2,7 | 1,2 | 2,7 |
| Informazioa eta komunikazioak | 2,1 | -0,4 | 2,1 |
| Jarduera profesionalak, zientifikoak eta teknikoak | 3,7 | 1,8 | 3,7 |
| Administrazio jarduerak eta zerbitzu lagungarriak | 0,2 | 0,3 | 0,2 |
| | | | |
| LURRALDE HISTORIKOAK | | | |
| Araba/Álava | 0,2 | 1,3 | 0,2 |
| Bizkaia | 3,8 | 1,0 | 3,8 |
| Gipuzkoa | 1,0 | 2,4 | 1,0 |
| | | | |
| ENPLEGUA | 0,2 | 0,2 | 0,3 |
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
A(t) / A(t-4) Urteen arteko aldakuntza urte honetan zehar. Egutegi eraginak zuzendutako datuak
Data 2024ko Maiatzaren 17a
Iturria: Eustat. Merkatuko beste zerbitzu batzuen indizea
Lurralde historikoen arabera, Bizkaian urte arteko % 3,8ko igoera izan da salmenta-indizean, Gipuzkoan % 1,0koa eta Araban % 0,2koa. Hiruhileko arteko bilakaerari dagokionez, hiru lurraldeetan izan da hazkundea: Gipuzkoan % 2,4, Araban % 1,3 eta Bizkaian % 1,0.
Euskal AEko Merkatuko beste zerbitzu batzuen sektoreko enplegatuen indizea % 0,2 igo da 2024ko lehen hiruhilekoan, 2023ko lehen hiruhilekoaren aldean. Aurreko urteko laugarren hiruhilekoaren aldean ere hazkundea % 0,2 izan da.
INFORMAZIO-OHARRA
Eustatek eskerrak eman nahi dizkie informazioa biltzen lagundu duten establezimendu guztiei. Horiei esker, hiruhileko honetako indizea % 89,2ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62