2024/08/02ko prentsa-oharra
INDUSTRIA-PRODUKZIOAREN INDIZEA. 2024ko EKAINA
Euskal AEko industria-jarduera % 0,5 gehitu zen 2024ko ekainean
Lehen seihilekoan, industria-produkzioa % 0,2 jaitsi da
Eustaten datuen arabera, eta lan-egutegi homogeneoari dagokionez, Euskal AEko industria-produkzioa aurreko urteko hil berean izandakoa baino % 0,5 handiagoa izan da 2024ko ekainean.
2024ko maiatzaren aldean, Euskal AEko industria-jarduera % 1,0 gehitu da azken hilabetean, urtaroen eragina zuzenduta.
Ondasunen helburu ekonomikoaren arabera, Ekipo-ondasunak –bertan sartzen dira ibilgailu motordunen fabrikazioa, tren-makinen eta tren-materialen eraikuntza eta aeronautika- edo ontzigintza-eraikuntza– % 2,5 gehitu dira aurreko urteko ekainarekin alderatuta.
Bitarteko ondasunen ekoizpenak (metalurgia eta produktu metalikoen fabrikazioa, industria kimikoa eta kautxu eta plastikozko produktuen fabrikazioa barne) % 0,2 egin du gora.
Kontsumo-ondasunen ekoizpenak, aldiz, urte arteko joera negatiboa izan du 2024ko ekainean, produkzioa % 2,0 jaitsi baita sektore osoan. Jaitsiera hori Kontsumo-ondasun iraunkorren eta Kontsumo-ondasun ez-iraunkorren portaerari zor zaio, % 4,9 eta % 1,4 jaitsi baitira, hurrenez hurren. Kontsumo-ondasun iraunkorren artean sartzen da altzariak eta etxeko tresnak egitea, besteak beste. Kontsumo-ondasun ez-iraunkorren artean daude, bestalde, elikagaiak prozesatzeko eta kontserbatzeko jarduerak, garbiketarako eta higienerako produktuen fabrikazioa, farmazia-produktuak eta jantziak egitea.
Azkenik, Energiaren produkzioa ere jaitsi egin da 2024ko ekainean, % 4,6 aurreko urteko hil beraren aldean. Sektore honetan sartzen dira energia elektrikoaren ekoizpena eta hornidura eta petrolioaren finketa.
Euskal AEko Industria produkzioaren indizea. Sektore A38 nagusiak (1). Urte arteko hazkunde-tasa (p). Ekaina 2024
| | m / m-12 |
| Elikadura ind., edariak, tabakoa | -4,6 |
| Zurgintza, papera eta arte grafikoak | 7,4 |
| Kautxua eta plastikoak | -0,5 |
| Metalurgia eta produktu metalikoak | 1,1 |
| Materiala eta tresna elektrikoak | -0,6 |
| Makineria eta tresneria | 4,9 |
| Garraio-materiala | -1,8 |
| Energia elektrikoa, gasa eta lurruna | -4,5 |
(p)Behinbehineko datuak
Egutegi eraginak zuzendutako datuak
(1)Euskal Aeko industrian pisurik handiena duten sektoreak
Data 2024ko Abuztuaren 2a
Iturria: Eustat. Industria-produkzioaren indizea
Maila bereiziagoan, Euskal AEko industriako pisurik handieneko sektoreen artean, 2024ko ekainean produkzioaren igoerarik handiena izan zutenak, urte arteko terminoetan, Zura, papera eta arte grafikoak (% 7,4) eta Makineria eta ekipoa (% 4,9) izan ziren. Urte arteko jaitsierarik handienak, berriz, Elikagaien, edarien eta tabakoaren industriak (% 4,6) eta Energia elektrikoa, gasa eta lurruna (% 4,5) arloek izan dituzte.
Euskal AEko Industria produkzioaren indizea lurralde historikoaren eta ondasunen helburu ekonomikoaren arabera. Aldakuntza-tasak (p). Ekaina 2024
| | Egutegi eraginak zuzendutako datuak | Datu desestazionalizatuak |
| | m / m-12 | Am / A(m-12) | m / m-1 |
| INDIZE OROKORRA | | | |
| Euskal AE | 0,5 | -0,2 | 1,0 |
| Araba/Álava | 0,5 | -2,3 | 3,1 |
| Bizkaia | -1,2 | -1,3 | 1,8 |
| Gipuzkoa | 2,2 | 2,0 | -0,9 |
| ONDASUNEN HELBURU EKONOMIKOAREN ARABERAKO INDIZEAK | | | |
| Kontsumo-ondasunak | -2,0 | -2,0 | 1,7 |
| Kontsumoondasun iraunkorrak | -4,9 | -7,3 | 0,0 |
| Kontsumoondasun ez-iraunkorrak | -1,4 | -0,8 | 2,1 |
| Ekipo-ondasunak | 2,5 | 3,3 | 0,6 |
| Bitarteko ondasunak | 0,2 | -1,7 | 1,8 |
| Energia | -4,6 | 1,2 | -2,0 |
(p)Behinbehineko datuak
m/m12 Azken hileko (m) aldakuntza-tasa, aurreko urteko hil beraren (m-12) aldean
Am / A(m-12) Urte arteko aldakuntza-tasa , urtarriletik behatutako azken hilera arte metatutako aldian (Am), aurreko urtean pilatutako aldi beraren (A(m-12)) aldean
m / m-1 Azken hileko (m) aldakuntza-tasa, aurreko hilaren (m-1) aldean
Data 2024ko Abuztuaren 2a
Iturria: Eustat. Industria-produkzioaren indizea
2024ko ekainean Industria-Produkzioaren Indizearen urte arteko bilakaera positiboa izan da Gipuzkoan eta Araban, produkzioa % 2,2 eta % 0,5 igo baita, hurrenez hurren. Bizkaian, aldiz, industria-produkzioa % 1,2 jaitsi da.
2024ko EKAINEKO BALANTZE METATUA
Urteko lehenengo sei hilabeteetako metatuan, Industria-Produkzioaren Indizea % 0,2 jaitsi da. Ekainera arte metatutako produkzioa % 2,0 jaitsi da Kontsumo-ondasunetan eta % 1,7 Bitarteko ondasunetan. Ekipo-ondasunek, aldiz, bilakaera positiboa metatu dute, produkzioa % 3,3 igo baita aurreko urteko aldi beraren aldean. Energian, bestalde, ekainera arte metatutako produkzioa % 1,2 igo da.
Lurralde historikoka, 2024ko lehen sei hilabeteetako metatua balantze negatiboarekin itxi da Araban eta Bizkaian, produkzioa % 2,3 eta % 1,3 jaitsi baita, hurrenez hurren. Gipuzkoan, aldiz, produkzioa % 2,0 igo da, aurreko urteko aldi beraren aldean.
INFORMAZIO-OHARRA
Eustatek eskerrak eman nahi dizkie informazioa biltzen lagundu duten establezimendu guztiei. Horiei esker, hilabete honetako indizea laginaren % 90,33ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62