2024/07/04ko prentsa-oharra
INDUSTRIA-PRODUKZIOAREN INDIZEA. 2024ko MAIATZA
Euskal AEko industria-jarduera % 1,0 jaitsi da 2024ko maiatzean
Aurreko hilaren aldean (2024ko apirila), produkzioa % 0,5 gehitu da
Eustaten datuen arabera, eta lan-egutegi homogeneoari dagokionez, Euskal Autonomia Erkidegoko industria-produkzioa aurreko urteko maiatzean izandakoa baino % 1,0 txikiagoa izan da 2024ko maiatzean.
Aurreko hilaren aldean, Euskal AEko industria-jarduera % 0,5 gehitu da azken hilabete honetan, dagozkion urtaroen ondorioak zuzendu ondoren.
Ondasunen helburu ekonomikoaren arabera, Kontsumo-ondasunek urte arteko portaera negatiboa izan zuten 2024ko maiatzean, eta produkzioa % 4,1 jaitsi zen sektore osoan. Beherakada hori Kontsumo-ondasun ez-iraunkorren portaerari zor zaio. Bertan, elikagaiak prozesatzeko eta kontserbatzeko jarduerak, garbiketarako eta higienerako produktuen fabrikazioa, produktu farmazeutikoak eta jantziak egitea D % 4,6ko jaitsiera) eta Kontsumo-ondasun iraunkorren produkzioa ( % 1,9 egin du behera) daude. Azken horien artean altzarien eta etxeko tresnen fabrikazioa jasotzen da, besteak beste.
Bitarteko ondasunen produkzioa (metalurgia eta metalezko produktuen fabrikazioa, industria kimikoa eta kautxuzko eta plastikozko produktuen fabrikazioa barne) % 2,8 jaitsi da.
Ekipo-ondasunen produkzioa % 1,7 igo da, aurreko urteko maiatzaren aldean: ibilgailu motordunen fabrikazioa, tren-makinen eta trenbide-materialen eraikuntza eta aeronautika edo ontzigintza barne.
Energiaren produkzioa, azkenik, % 2,6 igo da 2024ko maiatzean, aurreko urteko hil beraren aldean. Sektore honetan sartzen dira energia elektrikoaren ekoizpena eta hornidura eta petrolioa fintzea.
Euskal AEko Industria produkzioaren indizea lurralde historikoaren eta ondasunen helburu ekonomikoaren arabera. Aldakuntza-tasak (p). Maiatza 2024
| | Egutegi eraginak zuzendutako datuak | Datu desestazionalizatuak |
| | m / m-12 | Am / A(m-12) | m / m-1 |
| INDIZE OROKORRA | | | |
| Euskal AE | -1,0 | -0,3 | 0,5 |
| Araba/Álava | -4,0 | -3,1 | -0,6 |
| Bizkaia | -3,0 | -1,0 | 1,6 |
| Gipuzkoa | 2,9 | 2,0 | 0,1 |
| ONDASUNEN HELBURU EKONOMIKOAREN ARABERAKO INDIZEAK | | | |
| Kontsumo-ondasunak | -4,1 | -1,9 | 2,2 |
| Kontsumoondasun iraunkorrak | -1,9 | -7,7 | 5,1 |
| Kontsumoondasun ez-iraunkorrak | -4,6 | -0,7 | 1,7 |
| Ekipo-ondasunak | 1,7 | 3,5 | -0,7 |
| Bitarteko ondasunak | -2,8 | -1,9 | -0,3 |
| Energia | 2,6 | 2,4 | 2,2 |
(p)Behinbehineko datuak
m/m12 Azken hileko (m) aldakuntza-tasa, aurreko urteko hil beraren (m-12) aldean
Am / A(m-12) Urte arteko aldakuntza-tasa , urtarriletik behatutako azken hilera arte metatutako aldian (Am), aurreko urtean pilatutako aldi beraren (A(m-12)) aldean
m / m-1 Azken hileko (m) aldakuntza-tasa, aurreko hilaren (m-1) aldean
Data 2024ko Uztailaren 4a
Iturria: Eustat. Industria-produkzioaren indizea
Maila bereiziagoan, Euskal AEko industrian pisu handiena duten sektoreen artean, produkzioaren jaitsiera handiena izan dutenak, urte artean, 2024ko maiatzean honako hauek izan dira: Kautxu eta plastikoak (%-7,2), Elikagai-industriak, edariak eta tabakoa (%-5,3) eta Garraio-materiala (%-2,9). Aitzitik, urte arteko hazkunderik handienak Material eta ekipo elektrikoa (% 7,9) eta Zura, papera eta arte grafikoak (% 7,8) sektoreetan eman dira.
Euskal AEko Industria produkzioaren indizea. Sektore A38 nagusiak (1). Urte arteko hazkunde-tasa (p). Maiatza 2024
| | m / m-12 |
| Elikadura ind., edariak, tabakoa | -5,3 |
| Zurgintza, papera eta arte grafikoak | 7,8 |
| Kautxua eta plastikoak | -7,2 |
| Metalurgia eta produktu metalikoak | -0,6 |
| Materiala eta tresna elektrikoak | 7,9 |
| Makineria eta tresneria | -1,7 |
| Garraio-materiala | -2,9 |
| Energia elektrikoa, gasa eta lurruna | 0,8 |
(p)Behinbehineko datuak
Egutegi eraginak zuzendutako datuak
(1)Euskal Aeko industrian pisurik handiena duten sektoreak
Data 2024ko Uztailaren 4a
Iturria: Eustat. Industria-produkzioaren indizea
2024ko maiatzean Industria Produkzioaren Indizearen urte arteko bilakaera negatiboa izan da Araban eta Bizkaian, produkzioa % 4,0 eta % 3,0 jaitsi baita, hurrenez hurren. Gipuzkoan, aldiz, industria-produkzioa % 2,9 gehitu da.
2024ko MAIATZEKO BALANTZE METATUA
Urteko lehen bost hilabeteetako metatuan, Industria Produkzioaren Indizea % 0,3 jaitsi da. Maiatzera arte metatutako produkzioa % 1,9 jaitsi da, bai Kontsumo-ondasunetan, bai Bitarteko ondasunetan. Ekipoko ondasunek, aldiz, bilakaera positiboa metatu dute, produkzioa % 3,5 igo baita aurreko urteko aldi metatu beraren aldean. Energian, bestalde, maiatzera arte metatutako produkzioa % 2,4 hazi da.
Lurralde historikoka, 2024ko lehenengo bost hilabeteetako metatua balantze negatiboarekin itxi da Araban eta Bizkaian, produkzioa % 3,1 eta % 1,0 jaitsi baita, hurrenez hurren. Gipuzkoan, aldiz, produkzioa % 2,0 hazi da, aurreko urteko aldi metatu beraren aldean.
INFORMAZIO-OHARRA
Eustatek eskerrak eman nahi dizkie informazioa biltzen lagundu duten establezimendu guztiei. Horiei esker, hilabete honetako indizea laginaren % 89,14ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62