2024/10/28ko prentsa-oharra
MERKATARITZA-INDIZEA AZALERA HANDIETAN ETA ELIKADURA-KATE HANDIETAN. 2024ko IRAILA
Euskal AEko azalera handietako eta elikadura-kate handietako salmentak % 1,0 igo dira 2024ko irailean
Aurreko hilaren, 2024ko abuztuaren, aldean, salmentak % 0,4 igo dira
Eustatek landutako datuen arabera, 2024ko irailean, prezio konstanteetan, Euskal AEko azalera handietako eta elikadura-kate handietako salmentak % 1,0 igo dira aurreko urteko hil beraren aldean.
2024ko abuztuarekin alderatuta, prezio konstanteetako salmentak % 0,4 igo dira.
Salmentak, prezio konstanteetan, % 0,4 jaitsi dira Elikaduraren sektorean hilabete artean, eta % 1,9 igo dira Gainerako produktuetan. Urte artean, 2024ko irailean, eta 2023ko irailarekin alderatuta, salmentak % 0,9 jaitsi dira Elikaduran eta % 4,7 igo dira Gainerako produktuetan.
Euskal AEko azalera handietako eta elikadura kate handietako merkataritzaren indizea.Urte arteko eta hilabete arteko aldakuntza-tasak (p). Iraila 2024
| | Prezio finkoak |
| | m / m-12 | m / m-1 | A (m) /A (m-12) |
| INDIZE OROKORRA lurralde historikoaren arabera | | | |
| Euskal AE | 1,0 | 0,4 | 0,0 |
| Araba/Álava | 0,8 | 0,3 | -0,2 |
| Bizkaia | 1,9 | 0,7 | -0,2 |
| Gipuzkoa | -0,5 | -0,1 | 0,3 |
| | | | |
| INDIZE OROKORRA sektorearen arabera | | | |
| Janariak | -0,9 | -0,4 | 0,4 |
| Gainerako produktuak | 4,7 | 1,9 | -0,8 |
| | | | |
| ENPLEGU-INDIZEA | | | |
| Euskal AE | 0,7 | -0,6 | 1,3 |
(p)Behinbehineko datuak
m / m-12 Urteen arteko aldakuntza. Egutegi eraginak zuzendutako datuak
m / m-1 Hilabeteen arteko aldakuntza. Datu desestazionalizatuak
A(m)/A(m-12) Urtarriletik hil korrientera arte metatutako aldiaren urte arteko aldakuntza-tasa, aurreko urteko aldi metatu beraren aldean
Data 2024ko Urriaren 28a
Iturria: Eustat. Merkataritza indizea azalera handietan eta elikadura kate handietan (AHEK)
2024ko irailean, azalera handietako eta elikadura-kate handietako salmentak, prezio konstanteetan, eta urtetik urterako balioetan, % 0,8 igo dira Araban eta % 1,9 Bizkaian; Gipuzkoan, berriz, % 0,5 jaitsi dira.
Aurreko hilarekin, hau da, 2024ko abuztuarekin alderatuta, salmentek % 0,7 egin dute gora Bizkaian eta % 0,3 Araban; Gipuzkoan, berriz, % 0,1 jaitsi dira.
Azkenik, Euskal AEko azalera handietako eta elikadura-kate handietako langile-kopurua % 0,7 igo da 2023ko irailarekin alderatuta. Aurreko hilarekin alderatuta, langileen indizea % 0,6 jaitsi da.
2024ko lehenengo bederatzi hilabeteetan metatutako aldian, salmentek ez dute aldaketarik izan Euskal AE osoan. Lurralde historikoen arabera, Gipuzkoan % 0,3 igo dira, eta Bizkaian eta Araban berriz, bietan, % 0,2 jaitsi dira.
Sektoreen arabera, Elikaduran urte hasieratik salmenten metatuak % 0,4ko igoera izan du, eta Gainerako produktuetan, berriz, % 0,8ko jaitsiera.
INFORMAZIO-OHARRA
Urte arteko aldakuntzak, egutegiaren eraginak zuzendutako serieetan oinarrituta kalkulatzen dira, eta hil arteko aldakuntzak urtaroen eraginik gabeko serieetan oinarrituta.
Eustatek eskerrak eman nahi dizkie azalera handietako eta elikadura-kate handietako merkataritzaren indizea egiten lagundu duten establezimendu guztiei. Hilabete honetako indizea % 100eko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62