2024/11/15eko prentsa-oharra
MERKATUKO BESTE ZERBITZU BATZUEN INDIZEA. 2024/III
Euskal AEko merkatuko zerbitzuen sektorearen salmentak % 0,2 igo dira 2024ko hirugarren hiruhilekoan
Urteko metatuan, salmentak % 1,2 gehitu dira
Eustaten datuen arabera, Euskal AEko Merkatuko beste zerbitzu batzuk sektorean salmentak % 0,2 igo dira 2024ko hirugarren hiruhilekoan, aurreko urteko hiruhileko beraren aldean, prezio konstanteetan eta egutegiaren eraginak kenduta. Sektore honetan Garraioa, Ostalaritza, Informazioa eta komunikazioak eta Enpresentzako zerbitzu-jarduerak sektoreek eskainitako zerbitzuak kontabilizatzen dira.
Aurreko hiruhilekoaren aldean, prezio finkoetan eta dagozkien urtaro-eraginak aterata, salmentak % 1,2 jaitsi dira.
Merkatuko beste zerbitzu batzuk sektorearen barruan, salmenten bilakaera positiboa izan da Ostalaritzan eta Jarduera administratibo eta zerbitzu laguntzaileetan, % 2,3ko eta % 0,3ko hazkundeekin, hurrenez hurren. Garraioan eta biltegiratzean salmentak % 0,1 jaitsi dira urte artean, Informazio eta komunikazioetan % 0,4 eta Jarduera profesional zientifiko eta teknikoetan salmentak % 1,2 txikiagoak izan dira aurreko urteko hiruhileko berean baino.
Aurreko hiruhilekoaren aldean, salmentak % 2,3 jaitsi dira hirugarren hiruhilekoan Garraio eta biltegiratzean, eta % 0,9 Jarduera administratibo eta zerbitzu laguntzaileetan. Ostalaritzan salmentak ez dira aldatu hiruhileko artean; Informazio eta komunikazioetan eta Jarduera profesional, zientifiko eta teknikoetan salmentak aurreko hiruhilekoan baino % 0,1 eta % 0,3 handiagoak izan dira, hurrenez hurren.
Euskal AEko merkatuko beste zerbitzu batzuen indizea. Urte arteko eta hilabete arteko aldakuntza-tasak (p). 2024/III
| | Prezio finkoak |
| | t / t-4 | t / t-1 | At / A(t-4) |
| INDIZE OROKORRA sektorearen arabera | 0,2 | -1,2 | 1,2 |
| Garraioa eta biltegiratzea | -0,1 | -2,3 | 0,4 |
| Ostalaritza | 2,3 | 0,0 | 2,8 |
| Informazioa eta komunikazioak | -0,4 | 0,1 | 1,1 |
| Jarduera profesionalak, zientifikoak eta teknikoak | -1,2 | 0,3 | 1,5 |
| Administrazio jarduerak eta zerbitzu lagungarriak | 0,3 | -0,9 | 0,5 |
| | | | |
| INDIZE OROKORRA lurralde historikoaren arabera | | | |
| Araba/Álava | 1,6 | -0,2 | 1,5 |
| Bizkaia | -0,1 | -1,8 | 1,4 |
| Gipuzkoa | 0,1 | -0,5 | 0,7 |
| | | | |
| ENPLEGU-INDIZEA | 0,7 | 0,2 | 1,1 |
| Euskal AE | | | |
(p)Behinbehineko datuak
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
A(t) / A(t-4) Urteen arteko aldakuntza urte honetan zehar. Egutegi eraginak zuzendutako datuak
Data 2024ko Azaroaren 15a
Iturria: Eustat. Merkatuko beste zerbitzu batzuen indizea
Lurralde historikoen arabera, Araban urte batetik bestera salmenta-indizea % 1,6 igo da, eta Gipuzkoan % 0,1. Bizkaian, aldiz, indizea % 0,1 jaitsi da aurreko urteko hiruhileko beraren aldean. Hiruhileko arteko bilakaerari dagokionez, hiru lurralde historikoetan jaitsiera izan da: Araban % 0,2, Gipuzkoan % 0,5 eta Bizkaian % 1,8.
Urteko metatuan salmenten indize orokorrak % 1,2ko hazkundea izan du, eta aldakuntza positiboak izan dira sektore guztietan. Lurralde historikoek ere hobekuntzak izan dituzte salmentetan: % 1,5 Araban, % 1,4 Bizkaian eta % 0,7 Gipuzkoan.
Euskal AEko Merkatuko beste zerbitzu batzuen sektoreko landunen indizea, azkenik, % 0,7 igo da urte artean 2024ko hirugarren hiruhilekoan. Urteko bigarren hiruhilekoaren aldean, aldiz, langile okupatuen indizea % 0,2 igo da.
INFORMAZIO-OHARRA
Eustatek eskerrak eman nahi dizkie informazioa biltzen lagundu duten establezimendu guztiei. Horiei esker, hiruhileko honetako indizea laginaren % 97,17ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62