2024/11/21eko prentsa-oharra

ESTABLEZIMENDU TURISTIKO HARTZAILEEN INKESTA. Hotelak izan ezik. 2024ko urria

Euskal AEko landa-ostatuetako sarreren kopurua % 3,9 igo da 2024ko urrian, eta apartamentu turistikoetakoa % 29,2

Aterpetxe turistikoetan, bestalde, sarrerak % 11,4 gehitu dira

Eustaten datuen arabera, 2024ko urrian, Euskal AEko landa-ostatuetako sarrerak % 3,9 gehitu eta gaualdiak % 6,4 jaitsi ziren, aurreko urteko hil beraren aldean. Urte arteko aldakuntza horiekin, 15.567 sarrera eta 31.710 gaualdi izan dira.

Aurreko urteko urriaren aldean, 2024ko urrian % 11,8ko hazkundea izan zen atzerriko sarrerei dagokionez; horrela, Euskal AEko landa-ostatuetan ekoitzitako sarrera guztien % 25,5 izan ziren. Ostatu-gauen kasuan, bestalde, atzerritar jatorrikoak guztizkoaren % 27,7 dira, 2023ko urriaren aldean % 17,5 igo ondoren.

Lurralde historikoen arabera, Araban sarrerak % 18,3 gehitu dira, Bizkaian % 0,5 eta Gipuzkoan % 0,2. Ostatu-gauei dagokienez, Araban urte artean % 6,6 igo dira, eta Gipuzkoan eta Bizkaian, berriz, % 12,9 eta % 3,7 jaitsi dira, hurrenez hurren.

Euskal AEko establezimendu mota horretako batez besteko egonaldia 2,04 egunekoa izan da 2024ko urrian, aurreko urteko hil berean izandako 2,26 eguneko batez besteko egonaldiaren azpitik. Batez besteko egonaldia bidaiariek gaua igarotzen duten establezimendu bakoitzean batez beste ematen duten egun kopuruari dagokio, eta ez Euskal AEn egiten duten egonaldiaren guztizko iraupenari.

Plazen okupazio maila ehuneko 1,4 puntu jaitsi da 2023ko urrian lortutakoaren aldean, % 23,5ean kokatuz. Gelakako okupazioak urte arteko jaitsiera txiki bat izan du, ehuneko puntu erdikoa, eta azken hilabete honetan % 28,7koa izan da.

Apartamentu turistikoei dagokienez, 2024ko urrian 19.095 sarrera erregistratu dira, eta 62.711 gaualdi izan dira. Datu horiek aurreko urteko urriko datuekin alderatuta, igoera % 29,2koa izan da sarreren kasuan eta % 18,4koa gaualdien kasuan.

Apartamentu turistiko esaten zaio blokearen edo multzoaren modalitatean kudeatzen duen ustiapeneko enpresa-unitate baten pean eskaintzen den ostatu-unitate bakoitzari. Ez dira epigrafe honetan sartzen turismo-erabilerako etxebizitzak, arrazoi turistikoengatik aldi baterako eskaintzen, merkaturatzen edo lagatzen diren etxebizitza partikularrak.

Euskal AEko apartamentu turistikoetako sarrera guztien % 42,3 eta gaualdi guztien % 42,8 atzerriko bisitariei dagokie, urrian urte arteko % 47,9ko eta % 29,3ko igoerak izan ondoren, hurrenez hurren.

Apartamentu turistikoetako batez besteko egonaldia 3,28 egunekoa izan da 2024ko urrian, hau da, 2023ko urrian lortutakoa (3,58 egun Euskal AE osoan) baino txikiagoa. Araban mota horretako establezimenduetako batez besteko egonaldia 8,48 egunekoa izan da, Gipuzkoan 5,04 egunekoa eta Bizkaian 2,26 egunekoa.

Plazen okupazio maila % 38,2ra iritsi da Euskal AE osoan azken hilabete honetan, hau da, ehuneko 2,6 puntu gehiago 2023ko urrian baino. Apartamentu bakoitzeko okupazio-maila, berriz, ehuneko 6,1 puntu igo da, eta % 68,9an kokatu da.

Euskal AEko Aerpetxe turistikoei dagokienez, 2024ko urrian % 11,4ko urte arteko igoera izan da sarreretan, 22.464 sarrerarekin, eta 36.745 gaualdi sortu dira. Bizkaian 20.255 gaualdi izan dira, Gipuzkoan 15.548 eta, azkenik, Araban 941 ostatu-mota horietan.

Euskal AEko Aerpetxe turistikoetako egonaldiaren batez besteko iraupena, 2024ko urrian, 1,64 egunekoa izan da. Plazen okupazio maila, azkenik, % 34,7an kokatu da, urte arteko 1,6 puntuko jaitsieraren ondoren.

Informazio-oharra

ETHren erantzun-tasa % 92,8koa izan da hilabete honetan landa-ostatuetan, % 83,9koa Apartamentu turistikoetan eta % 79,8koa Aterpetxe turistikoetan. Eustatek egindako ahalegina eskertu die inkesta honetan parte hartu duten establezimendu guztiei.

Informazio gehiago:

Eustat - Euskal Estatistika Erakundea / Instituto Vasco de Estadística C/ Donostia-San Sebastián, 1 01010 Vitoria-Gasteiz Prentsa-zerbitzua: Tlf: 945 01 75 62