2024/11/19ko prentsa-oharra
INFORMAZIOAREN GIZARTEAREN INKESTA. ENPRESAK. 2024. urtea
Debagoiena, Donostialdea eta Bidasoa Beherea: horiexek dira 2023an merkataritza elektronikoan nabarmendu ziren eskualdeak, 10 langile eta gehiagoko enpresen artean
Busturialdea da, % 89,1ekin, 2024an euskarazko webguneen ehuneko handiena duen eskualdea
Eustaten datuen arabera, 2023an Debagoiena nabarmendu zen 10 langile edo gehiagoko enpresetan, merkataritza elektronikoz erosketak eta salmentak egiten dituzten enpresen % 47,0rekin. Ondoren, Donostialdea eta Debabarrena Gipuzkoan (% 44,2), Durangaldea Bizkaian (% 43,3) eta Gorbeialdea Araban (% 42,8).
Hiru hiriburuei dagokienez, merkataritza elektronikoko 10 langile edo gehiagoko enpresak % 44,1 dira Donostian, % 42,0 Bilbon eta % 36,3 Gasteizen 2023an.
Vitoria-Gasteizen, aurtengo zifrak serie historiko erabilgarriaren maximora iritsi dira. 2010. urtearekin alderatuta, merkataritza elektronikoaren erabileran bilakaera garrantzitsua ikusten da hiru hiriburuetan: ehuneko 19,5 puntu gehiago Donostian, 18,5 puntuko igoera Bilbon eta 13,3 puntuko igoera Gasteizen.
Zehaztu beharra dago merkataritza elektronikoari buruzko datuak 2023ko ekitaldiari buruzkoak direla, urtea ixteari buruzkoak; gainerako adierazleak, berriz, 2024koak dira.
IKT ekipamenduetan – Informazioaren eta Komunikazioaren Teknologiak –, 10 langile edo gehiagoko euskal enpresek ezarpen-maila handia dute 2024an. Interneteko konexioaren kasua da hori, eskualde guztietan eta hiru hiriburuetan % 100etik oso hurbil baitaude ehunekoak, eta Euskal AEko batez bestekoa % 99,4koa da (2015ean baino 1,6 puntu gehiago). Gainera, eskualdeen arteko aldeak oso txikiak dira; izan ere, gehienek % 99 gainditzen dute, eta guztiek % 96.
Interneterako sarbidea duten enpresa horietan, administrazio publikoekin izapideak elektronikoki egiteko erabiltzen da. Hala, 2024an, mota horretako enpresen % 98,6k egin dituzte izapideak elektronikoki, 2015ean baino 5,5 puntu gehiagok. Eskualdeen arabera, Bizkaian dago proportziorik handiena: Arratia-Nerbioi, Enkarterriak, Busturialdea eta Lea-Artibai D % 99,9). Gipuzkoan Debabarrena (% 99,3) eta Araban Añana (% 98,9) nabarmentzen dira.
Era berean, enpresen tamaina horretan, % 92,5ek webgunea du, 2015ean baino ehuneko 6 puntu gehiagok. Eskualde-mailan, Añana Araban, Enkarterriak Bizkaian eta Debabarrena Gipuzkoan nabarmentzen dira, % 98,7, % 97,5 eta % 94,8rekin, hurrenez hurren. Hiriburuen artean, Vitoria-Gasteiz (% 94,2), Donostia (% 94,0) eta Bilbo (% 93,2) ditugu.
Euskal AEko 10 langile edo gehiagoko establezimenduetako IKT ekipamenduak, hiriburuen eta eskualdeen arabera (%). 2024
| | Internet | Web gunea | IKT espezialistak dituzte | Merkataritza elektronikoa (3) |
| | Konexionarekin | Administrazioarekin izapideak egiten ditu (1) | Badute | Euskaraz (2) | | |
| | | | | | | |
| EUSKAL AE | 99,4 | 98,6 | 92,5 | 52,0 | 54,0 | 40,4 |
| | | | | | | |
| Vitoria-Gasteiz | 99,5 | 98,2 | 94,2 | 42,4 | 59,0 | 36,3 |
| Bilbao | 98,4 | 98,8 | 93,2 | 48,6 | 52,3 | 42,0 |
| Donostia / San Sebastian | 99,7 | 98,6 | 94,0 | 58,2 | 56,6 | 44,1 |
| | | | | | | |
| ARABA/ALAVA | 99,6 | 98,1 | 93,7 | 43,4 | 58,5 | 36,3 |
| Añana | 99,9 | 98,9 | 98,7 | 28,4 | 65,5 | 34,8 |
| Arabako Errioxa / Rioja Alavesa | 99,0 | 97,2 | 93,2 | 34,7 | 57,7 | 36,6 |
| Arabako Kantaurialdea / Cantábrica Alavesa | 99,8 | 97,4 | 88,9 | 54,5 | 44,4 | 30,0 |
| Arabako Lautada / Llanada Alavesa | 99,6 | 98,2 | 94,0 | 42,9 | 59,6 | 36,6 |
| Arabako Mendialdea / Montaña Alavesa | 99,9 | 97,1 | 94,8 | 82,4 | 63,8 | 29,1 |
| Gorbeialdea / Estribaciones del Gorbea | 99,9 | 98,5 | 95,2 | 46,6 | 59,8 | 42,8 |
| | | | | | | |
| BIZKAIA | 99,0 | 98,9 | 92,8 | 48,6 | 51,1 | 40,7 |
| Arratia-Nerbioi / Arratia-Nervión | 99,9 | 99,9 | 91,2 | 64,2 | 40,0 | 38,3 |
| Bilbo Handia / Gran Bilbao | 99,0 | 98,8 | 92,8 | 44,3 | 51,4 | 40,7 |
| Durangaldea / Duranguesado | 99,7 | 98,2 | 93,1 | 57,4 | 46,9 | 43,3 |
| Enkartazioak / Encartaciones | 99,1 | 99,9 | 97,5 | 66,1 | 63,6 | 32,0 |
| Gernika-Bermeo | 99,2 | 99,9 | 91,4 | 89,1 | 59,7 | 37,4 |
| Markina-Ondarroa | 97,9 | 99,9 | 84,8 | 82,9 | 62,0 | 40,6 |
| Plentzia-Mungia | 96,5 | 99,3 | 94,8 | 58,8 | 47,4 | 40,8 |
| | | | | | | |
| GIPUZKOA | 99,9 | 98,3 | 91,7 | 60,9 | 56,0 | 42,0 |
| Bidasoa Behea / Bajo Bidasoa | 99,9 | 98,5 | 86,8 | 51,6 | 58,5 | 42,4 |
| Debabarrena / Bajo Deba | 99,9 | 99,3 | 94,8 | 56,5 | 62,3 | 44,2 |
| Debagoiena / Alto Deba | 99,9 | 97,8 | 94,1 | 76,2 | 68,9 | 47,0 |
| Donostialdea | 99,9 | 99,1 | 92,8 | 57,2 | 54,8 | 44,2 |
| Goierri | 99,9 | 95,6 | 89,5 | 72,5 | 52,4 | 35,0 |
| Tolosaldea | 98,3 | 97,7 | 92,6 | 65,2 | 56,8 | 30,9 |
| Urola Kosta | 99,3 | 96,2 | 86,5 | 67,3 | 46,2 | 37,5 |
(1)Internet baduten establezimenduen artean, administrazioekin elektronikoki elkarreragiten dutenen portzentajea
(2)Web baduten establezimenduen artean, euskaraz badutenen portzentajea
(3)Merkataritza elektronikoari buruzko datuak 2023ko abenduaren 31ra arte bildu dira
Data 2024ko Azaroaren 19a
Iturria: Eustat. Informazioaren gizartearen inkesta. Enpresak
Gure erkidegoan, enpresen erdiek baino gehiagok (% 52,0) dute webgunea euskaraz. Euskarazko web orria ohikoagoa da Gipuzkoako eskualdeetan kokatutako enpresen artean (% 60,9ko batez bestekoa). Lurralde horretan, zazpi eskualdeak % 50etik gorakoak dira, eta Debagoieneko eskualdeak du gehienekoa (% 76,2). Ondoren, Bizkaikoak daude (batez beste, % 48,6). Han, zazpi eskualdeetatik seik % 50 gainditzen dute, eta gehienekoa Busturialdeak dauka (% 89,1). Hala, Euskal Autonomia Erkidegoan euskarazko webguneen ehuneko handiena duen eskualdea da. Arabaren kasuan (batez beste % 43,4), bi eskualde nabarmentzen dira, % 50 baino gehiagorekin: Arabako Mendialdea (% 82,4) eta Aiaraldea (% 54,5).
Euskal establezimenduen % 76,5ek gizarte-komunikabideak erabiltzen dituzte enpresa-helburuetarako, eta % 57,3k ordainpeko "hodeian" dauden informatika-zerbitzuak
Euskal enpresek Interneti buruz egiten dituzten beste erabilera batzuei dagokienez, baita ere zehazten da eskualde-mailan euskal enpresek egiten duten erabilerari buruz: hain zuzen, enpresa-helburuetarako nola erabiltzen dituzten, batetik, gizarte-komunikabideak eta, bestetik, ordainpeko "hodeia" (cloud computing) zerbitzu informatikoa.
Batez beste, 10 langile edo gehiagoko euskal establezimenduen % 76,5ek sare sozialak, enpresa-blogak edo webguneak erabiltzen dituzte multimedia-edukia partekatzeko. Hiriburuetan, Donostia nabarmentzen da (% 86,1), ondoren Bilbo (% 78,9) eta, azkenik, Gasteiz (% 75,8).
Ordainpeko "hodeia" (cloud computing) zerbitzu informatikoei dagokienez, 10 langile edo gehiagoko establezimenduen % 57,3k erabiltzen dute, eta hiriburuetan nabarmentzen da: Bilbon (% 64,4), ondoren Donostian (% 62,5) eta, azkenik, Gasteizen (% 56,5).
Aipatzekoa da Euskal Autonomia Erkidegoan 10 langile edo gehiago dituzten enpresen % 54,0k IKT espezialistak (Informazioaren eta Komunikazioaren Teknologiak) dituztela plantilletan. Eskualde mailan, Debagoiena nabarmentzen da (% 68,9) Gipuzkoan; Araban Añana (% 65,5); eta Bizkaian Enkarterriak (% 63,6). Hiriburuetan, Vitoria-Gasteiz (% 59,0) nabarmentzen da, ondoren Donostia (% 56,6) eta Bilbo (% 52,3).
OHARRA:
Sendotasun metodologikoa bermatzeko, Estatistika taulak, Hiriburuen eta eskualdeen araberako datuak atalean jasotako eskualdeei buruzko datuak eguneratu dira, erabilgarri dauden urte guztietarako.
Informazio gehiago:
Eustat - Euskal Estatistika Erakundea / Instituto Vasco de Estadística
C/ San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62