2024/11/18ko prentsa-oharra

KANPO-MERKATARITZAREN ESTATISTIKA (KAMEE). 2024ko iraila

Euskal AEko ondasunen esportazioek % 7,3 egin dute atzera 2024ko irailean

2024ko lehen bederatzi hilabeteetako metatuan esportazioek % 5,0 egin dute behera, baina merkataritza-saldoa positiboa eta 2.600 milioi eurotik gorakoa da

Euskal AEko ondasunen esportazioak % 7,3 jaitsi ziren 2024ko irailean, EUSTATen datuen arabera. Zenbatekoa 2.583 milioi eurokoa izan zen, aurreko urteko hilabete bereko 2.787 milioien aldean. Ondasun energetikoen esportazioak % 36,5 jaitsi ziren eta ez-energetikoenak % 5,5.

Araban esportazioek % 7,5 egin dute behera eta Gipuzkoan % 3,2. Bizkaiak egin du atzera gehien (-%10,6).

Euskal Autonomia Erkidegoko ondasunen inportazioek % 3,0ko hazkundea izan zuten, eta 2.335 milioi eurora iritsi ziren. Inportazio energetikoek % 12,4 egin zuten behera eta ez-energetikoek % 8,4 egin zuten gora.

Arabako inportazioak % 8,3 igo dira eta Gipuzkoakoak % 10,7, baina Bizkaikoak % 1,8 jaitsi dira.

Merkataritza-saldoa positiboa da (247,2 milioi) eta estaldura-tasa % 110,6koa da.

Produktuen araberako analisia (muga-zergen partidak)

Zehaztasunetan sartuta, honako hauek dira muga-zergen bost partida esportatzaile nagusiak: 10 pertsona baino gutxiagoko turismoak, 329,1 milioi esportatu dituztenak, 11 milioi eta 2023ko hilabete berean baino % 3,2 gutxiago; Ibilgailu automobilen zatiak eta osagarriak, 217,5 milioi merkaturatu dituztenak, 19,9 milioi eta urtebete lehenago baino % 10,1 gehiago; Salgaiak garraiatzeko ibilgailu automobilak, 140,8 milioi, hau da, 67,5 milioi eta % 32,4 gutxiago; Kautxuzko pneumatiko berriak, 77,3 milioi esportatu dituztenak, aurreko urtean baino 45,3 milioi gutxiago, hau da, % 37,0 gutxiago; eta Aleatu gabeko burdinazko edo altzairuzko profilak, 67,4 milioi merkaturatu dituztenak, 6,6 milioi gehiago, % 10,9 gehiago. Partida horiek, irailean, guztizkoaren % 32,2 dira, eta guztira 832 milioi euroko balioa dute.

Araban muga-zergen partida nagusia 10 pertsona baino gutxiagoko turismoak da, 306 milioi euro esportatu ditu, eta aurreko urteko esportazio-maila berari eutsi dio. Hala ere. Bigarren partida nagusiak, Salgaiak garraiatzeko ibilgailu automobilak izenekoak, % 32,6 egin du atzera. Soldadurarik gabeko burdinazko edo altzairuzko hodi eta profil hutsak atalaren esportazioak ere % 56,9 jaitsi dira, hau da, 2023ko irailean baino 27,8 milioi gutxiago.

Bizkaian nabarmentzekoa da Petrolioaren edo material bituminosoaren olio gordinak esportazioen hazkundea (23,1 milioi gehiago, % 85,7ko hazkundearekin). Bestalde, jaitsi egin dira Petrolioaren olio finduak, 36,2 milioi esportatu eta aurreko urtean baino 79,2 milioi gutxiago, % 68,6 gutxiago; eta Kautxuzko pneumatiko berriak, % 65,9 eta 50,6 milioi gutxiago.

Gipuzkoan, honako sektore hauen igoerak esanguratsuak dira. Igogailuak, eskailera mekanikoak, garraiagailuak eta abar (25,9 milioi) eta Makina-erremintarako zatiak eta osagarriak (17,4 milioi). Hala ere, % 43,9 murriztu dira Trenbideetarako automotorrak eta tranbia autopropultsatuak direlakoen esportazioak, 15,6 milioi utzi baitituzte.

Inportazioak aztertuta, garrantzitsuena Petrolioaren edo material bituminosoaren olio gordinak da: 431,5 milioi inportatu ditu, guztiaren % 18,5, baina % 2,5eko beherakada izan du. Haren atzetik doan partida Ibilgailu automobilen zatiak eta osagarriak da (% 14,8 egin du atzera eta inportatutakoaren balioa 92 milioira mugatu da). Hamar partida nagusien artean, nabarmena da 10 pertsona baino gutxiagoko turismoen hazkundea, 30,2 milioi Arabatik erosi baitziren ia osorik.

Jatorri-helmuga herrialdeak, 2024ko iraila

Hilabete honetan, honako hauek dira ranking esportatzailearen lehen postuak:

- Alemania: herrialde horretara 436,1 milioi euroko ondasunak esportatu dira, eta estaldura-tasa % 114,9koa izan da.

- Frantzia: gure Erkidegotik 400,9 milioi adinako produktuak jasotzen ditu, eta estaldura-tasa % 206,4koa da.

- Erresuma Batua: 165,2 milioi euroko balioarekin esportatzen da, % 368,4ko estaldura-tasarekin.

- Italia: gure esportazioen 136,9 milioi herrialde horretara bideratu dira, eta estaldura-tasa % 114,5ekoa izan da.

- Estatu Batuak: herrialde horretara bideratutako salmentak 136,4 milioira iritsi dira, eta estaldura-tasa % 199,3koa izan da.

Herrialde horiek esportazio guztien % 49,4 hartzen dute; horietako hiru EB 27koak dira, eta erakunde horrek esportazioen % 65,1 biltzen ditu.

Euskal AEko ondasunen kanpo-merkataritzak 2.689 milioi euroko saldo positiboa izan du 2024ko urtarriletik irailera arteko metaturako

Lehenengo bederatzi hilabeteetan, eta Euskal AEko esportazioen kasuan, % 5,0ko jaitsiera erregistratu da aurreko urteko aldi beraren aldean, hau da, 1.216,2 milioi euro gutxiago. Aldi horretako esportazioen zenbatekoa 23.082,8 milioi eurokoa izan da.

Bizkaiko esportazioak Euskal AEko handienak dira, 9.036,8 milioirekin; Gipuzkoak 7.417,9 milioi ditu eta Arabak 6.628,1 milioi.

Produktu-mota kontuan hartuta, Produktu ez-energetikoak dira handienak, 21.477,9 milioi eurorekin.

Xehetasunetan sartuta, ikusten da muga-zergen partida nagusia, 1.857 milioi esportatuta, 10 pertsona baino gutxiagoko turismoak dela, nahiz eta % 19,2ko jaitsiera izan. Muga-zergen lehen hamar partiden artean nagusi da, eta Hodietarako txorrotetako, balbuletako eta antzeko organoetako gaiak atalaren eta Soldadurarik gabeko hodi eta profil hutsak, burdinazkoak edo altzairuzkoak atalaren arteko atzerakadak daude.

Multzo horren barruan, esportazioen hazkunde handiena (% 289,6) Petrolioaren edo mineral bituminosoaren olio gordinetan gertatu da: 325 milioi esportatu dira eta 241,7 milioi gehiago aurreko urteko aldi berean baino. Atzerakadarik handienak lehen aipatutakoentzat izan dira: Hodi eta profil hutsak, soldadurarik gabeak, burdinazkoak edo altzairuzkoak, esportatutako balioa 192,5 milioitan jaitsi da, % 33,9, Salgaiak garraiatzeko ibilgailu automobilak (501,6 milioi eta % 31,5 gutxiago) eta Kautxuzko pneumatiko berriak (314,7 milioi eta % 28,4 gutxiago).

2024ko lehen bederatzi hilabete hauetako rankingaren arabera, Frantzia da herrialde hartzaile nagusia, esportatutako guztizkoaren % 16,3arekin (3.751 milioi). Frantziaren atzetik daude Alemania (% 14,3 eta 3.305 milioi) eta Erresuma Batua (% 7,0 eta 1.625 milioi). Horrela, hiru herrialdeen artean, euskal esportazioen ia % 40 (% 37,6) biltzen dira.

Euskal AE osorako inportazioen metatua 20.393,7 milioi euro ingurukoa da. Aurreko urtearekin alderatuta, 2023ko aldi berean erregistratutakoa baino 216,9 milioi gutxiago da.

Hauek dira ranking inportatzaileko lehen hiru postuetan dauden produktuak:

- Petrolioaren edo mineral bituminosoaren olio gordinak (guztiaren % 19,1), 3.898 milioirekin

- Petrolioaren olio finduak (1.233 milioi inportatu)

- Ibilgailu automobilen zatiak eta osagarriak (733 milioi)

Araban, 4.471 milioiko inportazio metatuekin, aldi horretan % 1,8ko beherapena izan da, hau da, 2023ko aldi berean baino 84 milioi gutxiago; Bizkaian ehuneko bera metatu da (-%1,8), 11.880 milioi inportatu baitira (213,9 gutxiago). Gipuzkoaren kasuan, % 2,0ko igoera izan da 4.042 milioirako (80,9 milioi gehiago). Produktu ez-energetikoen inportazioak % 2,7 egin du atzera, baina Produktu energetikoenak % 3,7 egin du gora.

Euskal AEko ondasunen kanpo-merkataritzak, 2024ko urtarriletik irailera, 2.689,1 milioi euroko saldo positiboa izan du, eta estaldura-tasa % 113,2koa.

ESPORTAZIOAK ESTATU BATUETARA

2024ko irailera arte, Estatuko esportazioak esportazio guztien % 7 izan ziren, 1.517,3 milioi eurorekin; 2023an % 8,4 izan ziren, 2.737,9 milioirekin. Jaitsiera % 44,6koa izan da.

Herrialde horretarako esportazioen % 30,6 Galdarak, motorrak, turbinak, makina eta artefaktu mekaniko askotarikoak eta horien zatiak eta osagarriak izeneko 84. muga-zergen kapituluan kontzentratu dira, 464,7 milioirekin. Kapitulu hori 2023an % 18,1ekoa izan zen 496,3 milioirekin, eta herrialde horri egindako salmenten buruan kokatu zen.

73. kapitulua osatzen duten Galdaketako, burdinazko edo altzairuzko manufakturak hurrengo postuan daude 194,3 milioirekin, eta 2024ko aldi horretan % 12,8 biltzen dute. 2023an, ehuneko hori % 13,5ekoa izan zen (368,8 milioi).

Hirugarrenik, Askotariko makinak, aparatuak eta material elektrikoa; irudia eta soinua grabatzeko edo erreproduzitzeko aparatuak, aparatu horien zatiak eta osagarriak izeneko kapituluaren 85. kapitulua agertzen da: % 10,4(158,5 milioi) 2024an eta % 5,8 2023an (159,9 milioi).

Laugarrenik, Erregai mineralak, olio mineralak eta horien destilazioko produktuak; gai bituminosoak; argizari mineralak daude: % 8,7 eta 132,2 milioi 2024an, eta % 17,9 eta 491,4 milioi 2023an.

Bosgarren postuan Industria kimikoen askotariko produktuak daude, guztizkoaren % 5,7 eta 86,3 milioi 2024an eta % 7,0 2023an (192,3 milioi).

Ibilgailu automobilak, traktoreak, belozipedoak eta lurreko gainerako ibilgailuak, horien zatiak eta osagarriak 2024ko metatuan 47,7 milioira iritsi ziren (% 3,1), baina 2023an ranking esportatzailearen hirugarren postuan geratu ziren, % 15,8rekin eta guztira 433,7 milioirekin.

Informazio gehiago:

Eustat - Euskal Estatistika Erakundea / Instituto Vasco de Estadística C/ Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62