2025/02/24ko prentsa-oharra
ERAIKUNTZAREN KOIUNTURAKO INDIZEA. 2024/IV
Euskal AEko eraikuntzaren sektoreko jarduera % 2,3 hazi da 2024an
Urtean zehar, eraikuntzak % 0,1 egin du gora eta ingeniaritza zibilak % 7,3
Eustaten datuen arabera, 2024. urte osoan, Euskal AEko eraikuntzaren sektoreko jarduerak % 2,3ko igoera izan zuen urteko prezioetan, 2023. urtearekin alderatuta. Eraikingintzaren kasuan, urtean metatutako hazkundea % 0,1ekoa izan da, eta Ingeniaritza zibilean, berriz, urteko tasa % 7,3koa izan da. Higiezinen sustapeneko jarduera alde batera utzita, eraikuntzaren urteko batez besteko hazkundea % 0,1ekoa izan da, Eraikingintza % 3,1 jaitsi delako 2024an, higiezinen sustapena kontuan hartu gabe.
2024an eraikuntzaren sektorean jarduera gehitu egin zen Araban (% 2,3), Bizkaian (% 2,8) eta Gipuzkoan (% 1,5).
Sektore osoko langile okupatuen indizeak % 5,0ko beherakada izan du 2024an.
2024. urteko laugarren hiruhilekoan, uneko prezioetako jarduera aurreko urteko hiruhileko berean ikusitakoa baino % 4,4 handiagoa izan da. Hiruhileko honetako prezio arrunten urte arteko igoera, egutegiaren ondorioak atera ondoren, Eraikingintzaren (% 3,9) eta Ingeniaritza zibilaren (% 5,7) portaera positiboagatik gertatu da.
Sektorearen hiruhileko honetako jarduera aurreko hiruhilekoarekin (2024ko hirugarren hiruhilekoarekin) alderatuz gero, Eraikuntzaren koiunturako indizea % 2,8 igo da termino nominaletan edo prezio arruntetan, dagozkion urtaro-ondorioak atera ondoren. Eraikuntzan jarduera % 3,4 gehitu da aurreko hiruhilekoaren aldean, eta Ingeniaritza zibilean % 1,2.
Euskal AEko eraikuntzaren koiunturako indizea. Aldakuntza tasak. Uneko prezioak (p). 2024/IV
| | Uneko prezioak |
| | t/t-4 | t/t-1 | At/At-4 |
| Indize orokorra Euskal AE | 4,4 | 2,8 | 2,3 |
| Eraikinak | 3,9 | 3,4 | 0,1 |
| Ingeniaritza zibila | 5,7 | 1,2 | 7,3 |
| | | | |
| Araba/Álava | 5,6 | 2,8 | 2,3 |
| Bizkaia | 3,9 | 2,9 | 2,8 |
| Gipuzkoa | 4,9 | 2,8 | 1,5 |
| | | | |
| Indize orokorra higiezinen sustapenik gabe | 1,0 | 1,4 | 0,1 |
| Higiezinen sustapenik gabeko eraikuntza | -1,2 | 1,4 | -3,1 |
| | | | |
| Langile okupatuen indizea Euskal AE | -6,3 | -0,8 | -5,0 |
Oinarria 2021=100
(p)Behinbehineko datuak
t / t-4 Urte arteko aldakuntza-tasa. Egutegi eraginak zuzendutako datuak
t/t-1 Hiruhileko arteko aldakuntza-tasa. Datu desestazionalizatuak
At/At4 Urte arteko aldakuntza-tasa metatutako aldian, urteko 1. hiruhilekotik behatutako azken hiruhilekora arte (At), aurreko urtean metatutako aldi beraren aldean (At-4). Egutegiaren ondorioen datu zuzenduak
Data 2025eko Otsailaren 24a
Iturria: Eustat. Eraikuntzaren koiunturako indizea
Eraikuntzaren sektorea uneko prezioetara % 5,6 igo da Araban, % 4,9 Gipuzkoan eta % 3,9 Bizkaian. Aurreko hiruhilekoaren aldean, aldiz, Eraikuntzaren koiuntura-indizea % 2,9 igo da Bizkaian, eta % 2,8 Araban eta Gipuzkoan.
Eraikuntzaren sektorea, Higiezinen sustapena kontuan hartu gabe, % 1,0 igo da 2023ko laugarren hiruhilekoaren aldean, eta % 1,4 2024ko hirugarren hiruhilekoaren aldean.
Bestalde, Eraikingintzaren azpisektoreak, behin Higiezinen sustapenaren jarduera aterata, % 1,2 egin du atzera urte artean, eta % 1,4 hiruhileko artean.
Langile okupatuen indizea, azkenik, aurreko hiruhilekoaren aldean % 0,8 jaitsi ondoren, 2024ko laugarren hiruhilekoan 2023ko hiruhileko berean ikusitakoa baino % 6,3 txikiagoa izan da.
Informazio-oharra
Eustatek eskerrak eman nahi dizkie informazioa biltzen lagundu duten establezimendu guztiei. Horiei esker, hiruhileko honetako indizea laginaren % 91,0ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián,1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62