2025/05/26ko prentsa-oharra
ERAIKUNTZAREN KOIUNTURAKO INDIZEA. 2025/I
Euskal AEko eraikuntzaren sektoreko jarduera % 2,3 hazi da 2025eko lehen hiruhilekoan
Eraikuntzak % 3,5 egin du gora eta Ingeniaritza zibilak ez du aldaketarik izan
Eustaten datuen arabera, 2025eko lehen hiruhilekoan, Euskal AEko eraikuntzaren sektoreko jarduera, uneko prezioetan, aurreko urteko hiruhileko berean baino % 2,3 handiagoa izan da.
Hiruhileko honetan, eta egutegiaren eraginak atera ondoren, uneko prezioak hazi egin dira urte artean, batez ere, Eraikuntzaren sektorean portaera positiboa izan delako (% 3,5eko igoera). Bestalde, Ingeniaritza Zibileko salmentek ez dute aldaketarik izan, eta 2024ko lehen hiruhilekoaren maila berean mantendu dira.
2025eko lehen hiruhileko honetako sektorearen jarduera aurreko hiruhilekoarekin alderatuz gero, 2024ko laugarrena, Eraikuntzaren koiunturako indizea % 0,4 igo da termino nominaletan edo uneko prezioetan, dagozkion urtaro-ondorioak atera ondoren. Eraikuntzan jarduera % 0,1 igo da aurreko hiruhilekoaren aldean eta Ingeniaritza Zibilean % 4,2.
Euskal AEko eraikuntzaren koiunturako indizea. Aldakuntza tasak. Uneko prezioak (p). 2025/I
| | Uneko prezioak |
| | t/t-4 | t/t-1 | At/At-4 |
| Indize orokorra Euskal AE | 2,3 | 0,4 | 2,3 |
| Eraikinak | 3,5 | 0,1 | 3,5 |
| Ingeniaritza zibila | 0,0 | 4,2 | 0,0 |
| | | | |
| Araba/Álava | 5,0 | 1,1 | 5,0 |
| Bizkaia | 0,1 | -0,1 | 0,1 |
| Gipuzkoa | 5,0 | 1,1 | 5,0 |
| | | | |
| Indize orokorra higiezinen sustapenik gabe | 2,9 | 2,2 | 2,9 |
| Higiezinen sustapenik gabeko eraikuntza | 4,3 | 2,8 | 4,3 |
| | | | |
| Langile okupatuen indizea Euskal AE | -3,6 | 1,1 | -3,6 |
Oinarria 2021=100
(p)Behinbehineko datuak
t / t-4 Urte arteko aldakuntza-tasa. Egutegi eraginak zuzendutako datuak
t/t-1 Hiruhileko arteko aldakuntza-tasa. Datu desestazionalizatuak
At/At4 Urte arteko aldakuntza-tasa metatutako aldian, urteko 1. hiruhilekotik behatutako azken hiruhilekora arte (At), aurreko urtean metatutako aldi beraren aldean (At-4). Egutegiaren ondorioen datu zuzenduak
Data 2025eko Maiatzaren 26a
Iturria: Eustat. Eraikuntzaren koiunturako indizea
2025eko lehen hiruhilekoan, Eraikuntzaren sektorearen jarduerak gora egin du urte artean: % 0,1 Bizkaian eta % 5,0 Araban eta Gipuzkoan. Aurreko hiruhilekoaren aldean, Eraikuntzaren koiunturako indizea % 0,1 jaitsi da Bizkaian, eta % 1,1 igo da Araban eta Gipuzkoan.
Higiezinen sustapenaren jardueraren eragina kontuan hartu gabe, Eraikuntzaren jarduera, urte artean, 2024ko hiruhileko berean baino % 4,3 handiagoa izan da, eta hiruhileko artean, berriz, % 2,8 igo da. Eraikuntzaren sektore osoa, Higiezinen sustapena kontuan hartu gabe, % 2,9 igo da 2024ko lehen hiruhilekoaren aldean eta, 2024ko laugarren hiruhilekoaren aldean, % 2,2.
Landunen indizea, aurreko urteko hiruhileko beraren aldean % 3,6 jaitsi ondoren, aurreko hiruhilekoan (2024ko laugarren hiruhilekoan) baino % 1,1 handiagoa izan da 2025eko lehen hiruhilekoan.
Informazio-oharra
Eustatek eskerrak eman nahi dizkie informazioa biltzen lagundu duten establezimendu guztiei. Horiei esker, hiruhileko honetako indizea laginaren % 90,1eko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea 1, 01010 Vitoria-Gasteiz
Prentsa-zerbitzua: servicioprensa@eustat.eus Tel: 945 01 75 62