2025/05/21eko prentsa-oharra
ESTABLEZIMENDU TURISTIKO HARTZAILEEN INKESTA. Hotelak. 2025eko apirila
Ostatu-gauak % 10,0 igo dira Euskal AEko hotel-establezimenduetan 2025eko apirilean
2025eko Aste Santuan igarotako gau kopurua aurreko urtekoa baino % 5,9 handiagoa izan da
Eustaten datuen arabera, 2025eko apirilean, Euskal AEko hotel-establezimenduetako sarrerak % 6,3 gehitu ziren eta ostatu-gauak % 10,0,. Erregistratutako 337.339 sarrerek 655.994 ostatu-gau izatea eragin zituzten. Kontuan izan behar da 2025ean Aste Santua apirilean izan dela, eta 2024an, berriz, martxoan.
Sarreren % 50,1 eta ostatu-gauen % 50,8 atzerritik etorritako pertsonenak izan dira; sarrerak % 10,4 igo dira eta ostatu-gauak % 11,9. Estatutik etorritako sarrera eta ostatu-gauak, bestalde, urte batetik bestera % 2,6 eta % 8,1 igo dira, hurrenez hurren.
Euskal AEko hotel-establezimenduetako sarrerak, gaualdiak eta batez besteko egonaldia. Apirila 2025
| | Sarrerak | Gaualdiak | Batez-besteko egonaldia |
| | 2025/04 | m/m-12 (%) | 2025/04 | m/m-12 (%) | 2025/04 | 2024/04 |
| EUSKAL AE | 337.339 | 6,3 | 655.994 | 10,0 | 1,94 | 1,88 |
| Estatukoak | 168.475 | 2,6 | 323.033 | 8,1 | 1,92 | 1,82 |
| Atzerritarrak | 168.864 | 10,4 | 332.961 | 11,9 | 1,97 | 1,95 |
| | | | | | | |
| Araba/Álava | 42.751 | 5,9 | 90.747 | 8,3 | 2,12 | 2,08 |
| Estatukoak | 29.826 | 5,4 | 63.595 | 11,8 | 2,13 | 2,01 |
| Atzerritarrak | 12.925 | 7,1 | 27.152 | 0,8 | 2,10 | 2,23 |
| Vitoria-Gasteiz | 32.387 | 4,8 | 73.774 | 8,0 | 2,28 | 2,21 |
| | | | | | | |
| Bizkaia | 153.312 | 11,0 | 291.268 | 14,8 | 1,90 | 1,84 |
| Estatukoak | 76.828 | 4,7 | 138.212 | 9,7 | 1,80 | 1,72 |
| Atzerritarrak | 76.484 | 18,2 | 153.056 | 19,9 | 2,00 | 1,97 |
| Bilbao | 106.743 | 13,0 | 206.189 | 15,3 | 1,93 | 1,89 |
| | | | | | | |
| Gipuzkoa | 141.276 | 1,8 | 273.979 | 5,8 | 1,94 | 1,87 |
| Estatukoak | 61.821 | -1,2 | 121.226 | 4,6 | 1,96 | 1,85 |
| Atzerritarrak | 79.455 | 4,3 | 152.753 | 6,8 | 1,92 | 1,88 |
| Donostia / San Sebastian | 92.887 | 1,3 | 185.679 | 4,9 | 2,00 | 1,93 |
M/m12 Behatutako azken hilabetean izandako urte arteko aldakuntza-tasa (m), aurreko urteko hilabete berarekin alderatuta (m-12)
Data 2025eko Maiatzaren 21a
Iturria: Eustat. Establezimendu Turistiko Hartzaileen Inkesta
Araban 42.751 sarrera eta 90.747 ostatu-gau erregistratu dira, aurreko urteko apirilean baino % 5,9 eta % 8,3 gehiago, hurrenez hurren. Bizkaian, sarrerak % 11,0 gehitu dira eta ostatu-gauak % 14,8: guztira 153.312 sarrera eta 291.268 ostatu-gau. Gipuzkoan 141.726 sarrera erregistratu dira 2025eko apirilean, 2024ko apirilean baino % 1,8 gehiago, eta 273.979 ostatu-gau, aurreko urteko hil berean baino % 5,8 gehiago.
Hiriburuen arabera, sarreren kopurua % 4,8 igo da Gasteizen, % 13,0 Bilbon eta % 1,3 Donostian. Era berean, aurreko urteko apirilaren aldean ostatu-gauak % 8,0 igo dira Gasteizen, % 15,3 Bilbon eta % 4,9 Donostian.
2025eko apirilean, Euskal AEko hotel-establezimenduetako batez besteko egonaldia 1,94 egunekoa izan da, 2024ko hilabete berean baino handiagoa (1,88 egun).
Batez besteko egonaldia bidaiariek gaua igarotzen duten establezimendu bakoitzean batez beste igarotzen duten egun kopuruari dagokio, eta ez Euskal AEn ematen duten egondaldi osoaren iraupenari.
Euskal AEko hotel-establezimenduetako betetze-mailak eta errentagarritasuna. Apirila 2025
| | Betetze-mailak (%) | Errentagarritasuna |
| | plazen arabera | gelaka | ADR (eurotan) | RevPAR (eurotan) |
| | 2025/04 | p.p. * | 2025/04 | p.p. * | 2025/04 | m/m-12 (%) | 2025/04 | m/m-12 (%) |
| EUSKAL AE | 58,9 | 3,1 | 68,4 | -0,1 | 104,56 | 2,0 | 71,51 | 1,8 |
| | | | | | | | | |
| Araba/Álava | 55,6 | 3,9 | 70,2 | 4,7 | 87,95 | 4,0 | 61,72 | 11,4 |
| Vitoria-Gasteiz | 58,0 | 4,0 | 76,3 | 5,3 | 73,15 | 5,1 | 55,78 | 13,0 |
| | | | | | | | | |
| Bizkaia | 58,1 | 4,3 | 67,9 | 0,0 | 102,24 | 1,7 | 69,42 | 1,7 |
| Bilbao | 64,7 | 2,4 | 75,0 | -2,5 | 112,13 | 1,7 | 84,11 | -1,6 |
| | | | | | | | | |
| Gipuzkoa | 61,0 | 1,5 | 68,3 | -1,8 | 113,03 | 2,2 | 77,23 | -0,4 |
| Donostia / San Sebastian | 68,6 | 3,3 | 75,6 | -0,6 | 131,22 | 1,9 | 99,19 | 1,1 |
p.p.*= aurreko urteko hilabete berarekiko portzentajezko puntuko aldea
M/m12 Behatutako azken hilabetean izandako urte arteko aldakuntza-tasa (m), aurreko urteko hilabete berarekin alderatuta (m-12)
Data 2025eko Maiatzaren 21a
Iturria: Eustat. Establezimendu Turistiko Hartzaileen Inkesta
2025eko apirileko okupazio-maila, Euskal AE osoan, % 58,9koa izan da plazen arabera neurtuta, eta % 68,4koa logelen arabera neurtuta. 2024ko apirilaren aldean, ehuneko 3,1 puntu igo da plazen araberako okupazio-maila eta 0,1 puntu jaitsi logelen araberakoa.
Errentagarritasuna, ADRren bidez edo eguneko batez besteko tarifaren bidez neurtua (bainugela duen logela bikoitz bati aplikatuta), 104,6 eurokoa izan da 2025eko apirilean Euskal AEn; hau da, % 2,0ko igoera izan du aurreko urteko apirilaren aldean. ADRa 113,0 eurora iritsi da Gipuzkoan, 102,2 eurora Bizkaian eta 88,0 eurora Araban. Hiriburuen arabera, aldeak handiagoak izan dira, ADRa 131,2 eurotan kokatu da Donostian, 112,1 eurotan Bilbon eta, azkenik, 73,2 eurotan Gasteizen.
Euskal AEko hotel-establezimenduetan, 2025eko apirilean, RevPar edo logela eskuragarri bakoitzeko batez besteko diru-sarrerak 71,5 eurokoak izan dira, aurreko urteko hil berean baino % 1,8 gehiago.
2025eko Aste Santuaren balantzea
Aste Santu honetan kontabilizatutako sarrera kopurua % 1,1 igo da aurreko urtearen aldean, guztira 52.302 izan baitira. 2025eko apirilean, Aste Santuko sarrerak hileko sarrera guztien % 15,5 izan dira. 2025ean, Aste Santua apirilaren 17tik 20ra egin da, eta aurreko urtean, berriz, martxoaren 28tik 31ra.
Euskal AEko hotel-establezimenduetan Aste Santuan, ostegunetik igandera bitartean (4 gau), kontabilizatu diren ostatu-gauak 2024koak baino gehiago izan dira. 2025eko Aste Santuko 112.394 ostatu-gauek % 5,9ko igoera izan dute aurreko urtearen aldean.
Euskal AEko okupazio-maila % 74,6koa izan da plazen arabera neurtuta eta % 78,0koa logelen arabera. Ehuneko horiek ehuneko 1,1 puntuko igoera adierazten dute plazen kasuan, eta 0,4 puntuko jaitsiera logelen kasuan.
Plazen araberako okupazio-maila ehuneko 2,7 puntu jaitsi da Araban aurreko urteko Aste Santuarekin alderatuta, eta 1,2 puntu Gipuzkoan. Bizkaian, ordea, plazen araberako okupazio-maila 4,6 puntu igo da. Logelen araberako okupazio-maila ehuneko 3,1 puntu jaitsi da Gipuzkoan; Bizkaian eta Araban, aldiz, 1,6 puntu eta 1,5 puntu igo da, hurrenez hurren.
Atzerriko pertsonen sarrerak guztizkoaren % 45,0 dira, eta ostatu-gauak % 43,7; horien presentzia % 15,4 eta % 28,6 igo da, hurrenez hurren, 2024ko Aste Santuarekin alderatuta. Estatutik etorritako turismoak aurreko urtean baino balio txikiagoak izan ditu: sarrerak % 8,2 gutxitu dira eta ostatu-gauak % 6,9.
Euskal AEko hotel-establezimenduetako sarrerak, ostatu-gauak eta okupazio-mailak, eremu geografikoaren eta jatorriaren arabera. Aste Santua (*). 2025
| | Sarrerak | Gaualdiak | Betetze-mailak (%) |
| | | plazen arabera | gelaka |
| | 2025 | 2025/2024 (%) | 2025 | 2025/2024 (%) | 2025 | p.p. * | 2025 | p.p. * |
| EUSKAL AE | 52.305 | 1,1 | 112.394 | 5,9 | 74,6 | 1,1 | 78,0 | -0,4 |
| Estatukoak | 28.775 | -8,2 | 63.285 | -6,9 | - | - | - | - |
| Atzerritarrak | 23.530 | 15,4 | 49.109 | 28,6 | - | - | - | - |
| | | | | | | | | |
| ARABA/ALAVA | 7.287 | -2,9 | 15.428 | -3,3 | 70,6 | -2,7 | 80,7 | 1,5 |
| Vitoria-Gasteiz | 5.194 | -8,2 | 12.016 | -2,9 | 70,9 | -2,3 | 83,9 | 2,5 |
| | | | | | | | | |
| BIZKAIA | 23.490 | 12,2 | 50.447 | 12,9 | 74,4 | 4,6 | 76,1 | 1,6 |
| Bilbao | 15.574 | 15,5 | 34.141 | 14,5 | 79,7 | 1,9 | 83,0 | 0,5 |
| | | | | | | | | |
| GIPUZKOA | 21.528 | -7,6 | 46.519 | 2,2 | 76,1 | -1,2 | 79,3 | -3,1 |
| Donostia / San Sebastian | 13.160 | -16,0 | 29.555 | -2,9 | 80,7 | -2,2 | 83,4 | -4,6 |
(*)Aste Santua: Ostegunetik igandera (4 gau).
p.p.*= aurreko urteko hilabete berarekiko portzentajezko puntuko aldea
Data 2025eko Maiatzaren 21a
Iturria: Eustat. Establezimendu Turistiko Hartzaileen Inkesta
Lurraldeka, portaera ez da homogeneoa izan. Araban % 2,9 jaitsi dira sarrerak eta Gipuzkoan % 7,6; Bizkaian, berriz, % 12,2 igo dira. Era berean, ostatu-gauak % 12,9 gehitu dira Bizkaian eta % 2,2 Gipuzkoan, baina Araban % 3,3 jaitsi dira.
Lurralde bakoitzeko hiriburuen kasuan, Gasteizek % 8,2ko jaitsiera izan du sarreretan eta % 2,9koa ostatu-gauetan. Donostian aurreko urteko Aste Santuan baino % 16 sarrera gutxiago izan dira eta % 2,9 gau gutxiago igaro dituzte. Azkenik, Bilbon sarrerak % 15,5 gehitu dira eta ostatu-gauak % 14,5.
Urteko metatua
Orain arte metatutako aldian (2025eko urtarrila-apirila), aurreko urteko aldi metatu beraren aldean, sarrerak % 2,1 igo dira, eta ostatu-gauak % 3,4. Batez besteko egonaldia 2025eko lau hilabeteko tarte horretan 1,90 egunekoa izan da, eta aurreko urtean metatutako aldi berean 1,88 egunekoa izan zen.
Urteko lehenengo lau hilabeteetako okupazio-maila % 48,3koa izan da plazen arabera neurtuta, eta % 58,6koa logelen arabera neurtuta, aurreko urteko aldi berean baino ehuneko 0,1 eta 1,2 puntu baxuagoa, hurrenez hurren.
Informazio-oharra
2025eko apirilean hotelen ETHren erantzun-tasa % 92,1ekoa izan da. Eustatek eskerrak eman dizkie inkesta honetan parte hartu duten establezimendu guztiei egindako ahaleginagatik.
Euskal AEko turismoko datu-esploratzailea. Hotel-establezimenduak
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea 1, 01010 Vitoria-Gasteiz
Prentsa-zerbitzua: servicioprensa@eustat.eus Tel: 945 01 75 62