2026/02/05eko prentsa-oharra

INDUSTRIA-PRODUKZIOAREN INDIZEA. 2025EKO ABENDUA

Euskal AEko industria-produkzioaren indizea. 2025eko abendua

Nabarmentzekoak

2025. urtea

Urteko bilakaera: industria-sektore osoan, industria-produkzioa % 0,6 murriztu da 2025. urtean.

Lurralde Historikoen arabera: Araban % 4,5 murriztu da; Gipuzkoan eta Bizkaian, berriz, % 0,7 eta % 0,3 handitu da, hurrenez hurren.

Ondasunen helburu ekonomikoa: Energiak eta Bitarteko Ondasunek urteko % 3,3ko eta % 1,9ko jaitsierak metatu dituzte, hurrenez hurren.

2025eko abendua

Urte arteko bilakaera: Euskal AEn produkzioa ez da aldatu (% 0,0) 2024ko abenduaren aldean.

Hilabete arteko bilakaera: industria-jarduera % 1,0 hazi da 2025eko azaroarekin alderatuta.

Lurralde Historikoen arabera: Araban urte artean % 3,4 jaitsi da eta Bizkaian % 1,8. Gipuzkoan, aldiz, produkzioak % 3,4 egin du gora.

Ondasunen helburu ekonomikoa: ekipamenduko ondasunek % 3,6ko bilakaera positiboa izan dute.

Azterketa estatistikoa

2025. urtea

2025. urte osoan, produkzioaren jaitsiera metatua industria-sektore osoan % 0,6koa izan da. Bilakaera negatibo hori bereziki Energiaren eta Bitarteko Ondasunen portaeraren ondorio da, urte osoan % 3,3ko eta % 1,9ko jaitsiera metatuak izan baitituzte, hurrenez hurren.

Kontsumo-ondasunetan, 2025ean metatutako produkzioa aurreko urtekoa baino % 0,9 handiagoa izan da, Kontsumo iraunkorreko ondasunek (% 1,3ko igoera) eta Kontsumo ez-iraunkorreko ondasunek (% 0,8ko igoera) portaera positiboa izan dutelako.

Ekipamenduko ondasunen produkzioari dagokionez, % 1,3ko hazkunde metatua izan da.

Lurralde historikoei dagokienez, Arabak bilakaera negatiboa izan du, metatutako produkzioa % 4,5 murriztu baita. Gipuzkoan eta Bizkaian, aldiz, urteko tasa metatu positiboak eman dira: % 0,7 eta % 0,3, hurrenez hurren.

2025eko abendua

Eustaten datuen arabera, 2025eko abenduan Euskal Autonomia Erkidegoko industria-produkzioa aurreko urteko hil berean izandakoan mantendu da (% 0,0), lan-egutegi homogeneoari dagokionez.

Aurreko hilabetearekin (2025eko azaroa) alderatuz gero, Euskal Autonomia Erkidegoko industria-jarduera % 1,0 handitu da, urtaroen eragina zuzendu ondoren.

Ondasunen helburu ekonomikoaren arabera, Kontsumo-ondasunetan produkzioak urte arteko portaera negatiboa izan du 2025eko abenduan, eta produkzioa % 2,7 murriztu da sektore osoa kontuan hartuta. Murrizketa hori Kontsumo iraunkorreko ondasunen (% 9,1 jaitsi da horien produkzioa) eta Kontsumo ez-iraunkorreko ondasunen (% 1,1 murriztu da, 2024ko abenduaren aldean) bilakaerek eragin dute.

Kontsumo iraunkorreko ondasunen artean, besteak beste, altzarien eta etxeko tresnen fabrikazioa sartzen da. Kontsumo ez-iraunkorreko ondasunen artean, bestalde, elikagaiak prozesatzeko eta kontserbatzeko jarduerak, garbiketa- eta higiene-produktuen fabrikazioa, farmazia-produktuak eta janzteko arropen produkzioa agertzen dira.

Bitarteko ondasunetan (metalurgia eta metalezko produktuen fabrikazioa, industria kimikoa eta kautxuzko eta plastikozko produktuen fabrikazioa barne hartzen dira) produkzioa % 0,9 murriztu da urte artean.

2025eko abenduan Energiaren produkzioa aurreko urteko hilabete berekoa baino % 5,9 txikiagoa izan da. Sektore honetan sartzen dira energia elektrikoaren produkzioa eta hornidura eta petrolioa fintzea.

Ekipamenduko ondasunen produkzioa (ibilgailu motordunen fabrikazioa, tren-makinen eta trenbide-materialen eraikuntza eta aeronautikaren edo itsasontzien eraikuntza barne hartzen dira), ordea, % 3,6 handitu da aurreko urteko abenduaren aldean.

2025eko abenduan Industria-produkzioaren indizearen urte arteko bilakaera negatiboa izan da Araban (% 3,4 murriztu da) eta Bizkaian (% 1,8 murriztu da). Gipuzkoan, aldiz, produkzioak urte artean % 3,4 egin du gora.

Maila bereiziagoan, Euskal AEko industrian pisu handiena duten sektoreen artean, 2025eko abenduan, urte artean, produkzioaren igoera handiena hauek izan dute: Materiala eta tresna elektrikoak (% 5,7), eta Metalurgia eta produktu metalikoak (% 5,5). Beste muturrean, Zura, papera eta arte grafikoak sektoreak urte arteko % 8,8ko murrizketa izan du eta Energia elektrikoa, gasa eta lurruna sektoreak % 6,8koa.

INFORMAZIO-OHARRA

Eustatek eskerrak eman nahi dizkie informazioa biltzen lagundu duten establezimendu guztiei. Haiei esker, hilabete honetako indizea laginaren % 84,87ko estaldurarekin kalkulatu da.