2025/11/26ko prentsa-oharra
ERAIKUNTZAREN KOIUNTURAKO INDIZEA. 2025/III
Euskal AEko eraikuntzaren sektoreko jarduera % 9,9 hazi da 2025eko hirugarren hiruhilekoan
Etxegintzak % 10,9 egin du gora eta Ingeniaritza zibilak % 7,7ko hazkundea izan zuen urte arteko terminoetan
Euskal AEko eraikuntzaren sektoreko jarduera, prezio korronteetan, 2025eko hirugarren hiruhilekoan aurreko urteko hiruhileko berean baino % 9,9 handiagoa izan da, Eustatek landutako datuen arabera.
Urte arteko prezioen hazkundea, prezio korronteetan, Etxegintza (% 10,9) eta Ingeniaritza zibila (% 7,7) sektoreek izandako portaera positiboagatik gertatu da, 2024ko hirugarren hiruhilekoaren aldean.
2025eko hirugarren hiruhileko honetako sektorearen jarduera aurreko hiruhilekoarekin alderatuz gero, 2025eko bigarrenarekin, Eraikuntzaren koiunturako indizea, % 3,0 igo da termino nominaletan edo uneko prezioetan, dagozkion urtaro-ondorioak atera ondoren. Etxegintzaren jarduera % 3,1 eta Ingeniaritza zibilea % 2,3 igo dira aurreko hiruhilekoaren aldean.
Euskal AEko eraikuntzaren koiunturako indizea. Aldakuntza tasak. Uneko prezioak (p). 2025/III
| |
Uneko prezioak |
| |
t/t-4 |
t/t-1 |
At/At-4 |
| Indize orokorra Euskal AE |
9,9 |
3,0 |
7,3 |
| Eraikinak |
10,9 |
3,1 |
8,9 |
| Ingeniería civil |
7,7 |
2,3 |
4,2 |
| |
| Araba/Álava |
8,2 |
2,2 |
7,9 |
| Bizkaia |
10,7 |
3,5 |
7,0 |
| Gipuzkoa |
9,1 |
2,6 |
7,7 |
| |
| Indize orokorra higiezinen sustapenik gabe |
10,5 |
3,5 |
6,9 |
| Higiezinen sustapenik gabeko eraikuntza |
11,8 |
3,9 |
8,2 |
| |
| Langile okupatuen indizea Euskal AE |
2,8 |
1,4 |
1,2 |
Oinarria 2021=100
(p)Behinbehineko datuak
t / t-4 Urte arteko aldakuntza-tasa. Egutegi eraginak zuzendutako datuak
t/t-1 Hiruhileko arteko aldakuntza-tasa. Datu desestazionalizatuak
At/At4 Urte arteko aldakuntza-tasa metatutako aldian, urteko 1. hiruhilekotik behatutako azken hiruhilekora arte (At), aurreko urtean metatutako aldi beraren aldean (At-4). Egutegiaren ondorioen datu zuzenduak
Data 2025eko Azaroaren 26a
Iturria: Eustat. Eraikuntzaren koiunturako indizea
2025eko hirugarren hiruhilekoan, Eraikuntzaren sektorearen jarduerak gora egin du urte artean % 8,2 Araban, % 10,7 Bizkaian eta % 9,1 Gipuzkoan. Aurreko hiruhilekoarekin konparatuta, indizeak gora egin du % 2,2 Araban, % 3,5 Bizkaian eta % 2,6 Gipuzkoan.
Higiezinen sustapenaren jardueraren eragina kontuan hartu gabe, Etxegintzaren jarduera, urte artean, 2024ko hiruhileko berean baino % 11,8 handiagoa izan da, eta hiruhileko artean, berriz, % 3,9 igo da. Eraikuntzaren sektore osoa, Higiezinen sustapena kontuan hartu gabe, % 10,5 igo da 2024ko hirugarren hiruhilekoaren aldean eta, aurreko hiruhilekoaren aldean, % 3,5.
Landunen indizea, aurreko urteko hiruhileko beraren aldean % 2,8 igo ondoren, aurreko hiruhilekoan (2025-ko bigarren hiruhilekoan) baino % 1,4 handiagoa izan da 2025eko hirugarren hiruhilekoan.
Informazio-oharra
Eustatek eskerrak eman nahi dizkie informazioa biltzen lagundu duten establezimendu guztiei. Horiei esker, hiruhileko honetako indizea laginaren % 90,4-ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea 1, 01010 Vitoria-Gasteiz
Prentsa-zerbitzua: servicioprensa@eustat.eus Tel: 945 01 75 62