Bazenekien ausazko fenomenoak, banan-banan aurreikusi ezinak, behin eta berriz errepikatuz gero erregularrak bihurtzen direla? Dado bat botatzen dugunean, edozein alde ager daiteke.Baina behin eta berriz botaz gero, aldeen agerpen kopuruak oso-oso antzekoak izango dira. Infinitu aldiz botaz gero, aldeen agerpen kopurua berbera litzateke.Bestela esanda, ausazko esperimentu batean, gertakari baten maiztasun erlatiboa gero eta gehiago hurbiltzen da bere probabilitate teorikora, egindako esperientzi kopurua hazi ahala.
Ondoko simulazioarekin egiaztatu ahal izango duzu esandakoa zehaztasunez. Erraza da, dadoak bota eta ikusiko duzu zer gertatzen den. Dadoak bota eta maiztasun grafikoa eta probabilitateen diagrama lortuko dituzu.
Aukera dezakezu haren probabilitatea aztertu nahi duzun gertakaria, esaterako: 1 agertzea; 3 edo 4 agertzea, 2 edo 5 edo 6 agertzea.
Gertakaria aukeratu eta bota dadoa.
Grafiko honetan dadoaren alde bakoitza zenbat aldiz agertu den ikus dezakezu Ikusi, zenbat eta gehiagotan bota, orduan eta antzekoagoa da barren luzera.
Jaurtiketa kopurua hazi ahala, gertakarien maiztasun erlatiboa gero eta gehiago hurbiltzen da beraien probabilitate teorikora. Egiaztatu grafikoarekin.