Euskal AEko txikizkako merkataritzaren sektorean, 2003ko bigarren hiruhilekoan, salmentak %4,4 igo dira, kopuru nominaletan, aurreko ekitaldiko hiruhileko beraren aldean, Eustatek emandako datuen arabera. Hazkunde nominal hori, kopuru errealetan, %2,1eko garapen positiboa da.

Tradiziozko txikizkako merkataritzaren (espezializatua) salmenta nominalak %3,6 igo dira 2003ko bigarren hiruhilekoan, 2002ko bigarren hiruhilekoaren aldean. Igoera nominal hori, prezioen igoeraren eragina kenduta, %2,0koa da, balio errealetan.

Gune ertain eta handietako txikizkako salmentak (ez-espezializatua) %5,8 hazi dira balio nominaletan, aurtengo bigarren hiruhilekoan. Prezioen igoeraren eragina kendu eta gero, urte arteko tasaren aldakuntza %2,4koa da, aurreko urteko hiruhileko beraren aldean.

Herrialde Historikoka banatuz gero, bigarren hiruhileko honetan, Araban izan da txikizkako merkataritzako salmenta nominalen hazkunderik handiena; %5,5eko urte arteko hazkundea izan baita, txikizkako merkataritza ez espezializatuaren hazkunde handiak eraginda (%6,1). Atzetik Gipuzkoa du, indize orokorreko %4,3ko aldakuntza positiboarekin eta Bizkaiak, %4,2koa hazkundea izan du. Balio errealetan, honako hazkundeak izan dira: %3,1ekoa Araban, eta %2,1ekoa Gipuzkoan, eta %1,9koa Bizkaian.

2003ko bigarren hiruhilekoan txikizkako merkataritzaren sektorean ziren landunen aldetik, urte arteko %1,4ko hazkundea izan zen (aurreko urteko hiruhileko beraren aldean) Euskal AEko guztizkorako. Herrialdeka, honakoak dira datuak: Araban %1,8 hazi zen eta Gipuzkoan eta Bizkaian, %1,3.