2016/10/17ko prentsa-oharra
Euskal biztanleek bizitzarekiko asetasunari “oso ongi” deritzote
Aurreko urtearen aldean, hobera ongizate pertsonalaren adierazle guztiek
Bizitzarekiko asetasunari 7,5eko nota jartzen diote euskal biztanleek, Norberaren ongizate-inkestatik abiaturik Eustatek landutako datuen arabera; 2014an 7,1. Informazio zehatza ematen da Euskal AEko biztanleen ongizate-pertzepzioaz, galderek batez ere dimentsio materialaz bestelako alderdiak neurtzen dituztelarik.
Bizitzarekiko asetasun globalaz langabeek ematen dute puntuaziorik baxuena (6,7), baina dezente egin du hobera lehengo urtekotik (5,9).
Puntuaziorik altuena (7,8) 16-24 urte bitartekoek; okerrera adinarekin, baina gero berriz gora 65 eta gehiagokoen artean (7,6).
Gizon eta emakumeen artean alde handirik ez. Bizkaian bizi direnek 7,6, Gipuzkoan 7,5; Araban 7,3.
Batez bestekoaren azpitik Araban (7,4) edo atzerrian (7,2) jaioek.
Bizitzaren Balioa adierazleak notarik onena, 8
Norberaren bizitzaren balioaren nota, alegia, gure bizitza zenbateraino merezi duen, 8 batez beste; biztanleen %70,7rentzat “handia” (%56,1entzat 2014an) %1,9rentzat "txikia”.
Gizon eta emakumeen artean alde handirik ez. Araban bizi direnek 7,7, batez bestekoaren azpitik; Bizkaian eta Gipuzkoan 8,1.
Pertsona okupatu eta ez-aktiboek 8,1; langabetuek 7,6.
Gogo-aldartea hobea gazte artean
Gogo aldartearen batez bestekoa 6,8; altuena 16-24 urte bitartekoena (7); baxuena langabeena (6,3).
Bizkaian bizi direnek 6,9; Araban eta Gipuzkoan 6,7. Bizkaian jaioek 6,9; puntuaziorik txarrena (6,6) atzerrian jaioek.
Adierazleak nota hobea du gizon artean (6,9; emakumeek 6,7).
Adindunak aseen aisialdiarekin
Aisialdiarekiko batez besteko asetasuna, 6,8. 65 urtetik gorakoek 7,9, altuena, eta 35-49 bitartekoek baxuena (6,1). Inaktiboek 7,6, okupatuek 6,1.
Emakume eta gizon, berdin; Bizkaian bizi direnek 6,7; Araban eta Gipuzkoan 6,8.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Norberaren ongizate-inkesta NOI - prentsa ohar gehiago