2022/02/08ko prentsa-oharra
TXIKIZKAKO MERKATARITZAREN INDIZEA (BMIt) IV/2021
Euskal AEko txikizkako merkataritzaren salmentak % 3,6 igo dira 2021 osoan
2021eko laugarren hiruhilekoan, salmentak ere % 3,3 igo ziren, 2020ko hiruhileko beraren aldean
Eustaten datuen arabera, 2021eko balantzean txikizkako merkataritzaren salmentak % 3,6 gehitu dira aurreko urtearen aldean, lan-egutegiko baldintza homogeneoetan eta prezio konstanteetan. Hornitegiak alde batera utzita, urteko salmenta metatuak % 3,3 hazi dira termino berberetan.
2021eko metatuan, elikadurak % 3,2 egin du behera, eta gainerako produktuen merkataritzak, berriz, portaera positiboa izan du, % 9,8 hazi baita aurreko urte osoarekin alderatuta. Automobilgintzarako erregaiaren salmentak, bestalde, % 8,2ko hazkundea izan du.
Elikagaien txikizkako merkataritzaren barruan, 2021ean merkataritza espezializatua % 0,8 igo da 2020. urtearen aldean, eta elikadura nagusi duen merkataritza ez-espezializatua % 4,9 jaitsi da.
Gainerako produktuen txikizkako merkataritzan, 2021eko metatuan portaera positiboa izan da gehienbat. Izan ere, etxeko ekipamenduan espezializatutako merkataritzaren salmentak % 19,4 igo dira, pertsonen ekipamenduetan espezializatutako merkataritzarenak % 7,3 eta beste kontsumo-ondasun batzuetan espezializatutako merkataritzarenak % 5,8. Gainerako produktuetan nagusi den merkataritza ez-espezializatuaren sektorean, aldiz, salmentak % 0,1 jaitsi dira 2021 osoan, aurreko urtearen aldean.
Lurralde historikoka eta prezio konstanteetan, salmentek gora egin dute 2021ean lurralde guztietan, baina intentsitate desberdinarekin. Hala, Gipuzkoa izan da gehien igo den lurraldea, % 5,4ko hazkundearekin; ondoren Bizkaia, % 3,3ko hazkundearekin, eta, azkenik, Araba, % 1,1eko hazkundearekin.
Azkenik, Euskal AEko txikizkako merkataritzaren sektoreko enpleguak % 0,9 egin du gora 2021ean, aurreko urteko batez bestekoaren aldean.
Euskal AEko Txikizkako Merkataritzaren Indizea. Urte arteko eta hilabete arteko aldakuntza-tasak (p). 2021/IV
| | Prezio finkoak |
| | t / t-4 | t / t-1 | A (t) / A (t-4) |
| INDIZE OROKORRA lurralde historikoaren arabera | | | |
| Euskal AE | 3,3 | 1,1 | 3,6 |
| Araba/Álava | -4,7 | -0,9 | 1,1 |
| Bizkaia | 3,2 | 0,9 | 3,3 |
| Gipuzkoa | 7,3 | 2,3 | 5,4 |
| | | | |
| INDIZE OROKORRA sektorearen arabera | | | |
| Janariak | -1,7 | 0,2 | -3,2 |
| Elikagaien saltoki espezializatuak | 6,0 | 0,4 | 0,8 |
| Elikagaiak nagusi diren establezimendu ez-espezializatuak | -5,1 | 1,6 | -4,9 |
| Gainerako produktuak | 8,0 | 4,0 | 9,8 |
| Pertsonaren ekipamenduan espezializatutako establezimenduak | 17,1 | 2,1 | 7,3 |
| Etxearen ekipamenduan espezializatutako establezimenduak | 11,1 | 3,3 | 19,4 |
| Kontsumoko beste ondasunetan espezializatutako establezimenduak | 1,2 | 2,3 | 5,8 |
| Gainerako produktuak nagusi diren establezimendu ez-espezializatuak | -8,3 | 1,0 | -0,1 |
| Automoziorako erregaia | 3,4 | 0,8 | 8,2 |
| | | | |
| INDIZE OROKORRA gasolindegirik gabe | 3,3 | 2,2 | 3,3 |
| | | | |
| LANGILERIA-INDIZEA | | | |
| Euskal AE | 2,9 | -0,1 | 0,9 |
(p)Behinbehineko datuak
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
At/A(t4) Lehen hiruhilekotik behatutako azkenekora arte metatutako aldiko urte arteko tasa (At) aurreko urtean metatutako aldi beraren aldean
Data 2022ko Otsailaren 8a
Iturria: Eustat. Txikizkako Merkataritzaren Indizea (BMIt)
2021eko laugarren hiruhilekoko datuak soilik aztertuta, Euskal AEko txikizkako merkataritzaren sektorean salmentak % 3,3 gehitu dira prezio konstanteetan, aurreko urteko denboraldi beraren aldean, dagozkion egutegi-ondorioak atera ondoren. Sektoreko salmentak ere, hornitegiak kontuan hartu gabe, % 3,3 igo dira urtetik urtera.
Aurreko hiruhilekoaren aldean, salmenten indizeak hiruhilekotik hiruhilekorako 1,1eko aldakuntza positiboa izan du, prezio konstanteetan eta urtaro-eraginak kenduta.
Sektoreka, elikagaien salmentak % 1,7 jaitsi dira 2021eko laugarren hiruhilekoan, eta gainerako produktuen txikizkako merkataritzaren salmentak eta automobilgintzarako erregaiaren salmentak % 8,0 eta % 3,4 igo dira, hurrenez hurren.
Elikagaien txikizkako merkataritzaren barruan, merkataritza espezializatuak % 6,0 gora egin du urteko azken hiruhilekoan, eta elikadura nagusi duen ez-espezializatua, berriz, % 5,1 jaitsi da.
Gainerako produktuen txikizkako merkataritzak urtetik urterako portaera positiboa izan du sektore gehienetan. Pertsonen ekipamenduetan espezializatutako merkataritzan, salmentak % 17,1 igo dira, etxeko ekipamenduan espezializatutako merkataritzan % 11,1 eta kontsumo-ondasunetan espezializatutako merkataritzan % 1,2. Gainerako produktuetan nagusi den merkataritza ez-espezializatuari dagokionez, salmentek % 8,3 egin dute atzera.
Lurralde historikoei dagokienez, txikizkako merkataritzako salmenten bilakaera desberdina izan da urtetik urtera. Salmentak % 7,3 igo dira Gipuzkoan eta % 3,2 Bizkaian. Araban, ordea, 2021eko laugarren hiruhilekoan salmentak 2020ko laugarren hiruhilekoan ikusitakoak baino % 4,7 txikiagoak izan dira.
Azkenik, Euskal AEko txikizkako merkataritzaren sektorean, 2021eko laugarren hiruhilekoan, landunen kopurua % 2,9 gehitu da, aurreko urteko laugarren hiruhilekoaren aldean. 2021eko hirugarren hiruhilekoaren aldean, berriz, % 0,1 jaitsi da.
INFORMAZIO-OHARRA
Indize ekonomiko koiuntural honetan eta beste batzuetan aintzat hartutako enplegatuen artean, aldi baterako enplegu-erregulazioko espediente bati (ABEEE) atxikitako pertsonak sartzen dira, Europar Batasuneko Estatistika Bulegoak (Eurostat) Methodology of Short Term Business Statistics eskuliburuan jasotzen duen enplegatuaren definizioari jarraituz.
Egutegi-efektuak zuzentzeko eta serieak desestazionalizatzeko erabilitako ereduek jaso egiten dute COVID-19ak aztertutako aldagaietan duen eragina, Europar Batasuneko Estatistika Bulegoak (Eurostat-ek) Guidance on Time Series Treatment in the context of the COVID-19 crisis ohar metodologikoan emandako gomendioei jarraituz.
Eustatek eskerrak eman nahi dizkie informazioa biltzen lagundu duten establezimendu guztiei. Horiei esker, laugarren hiruhilekoko indizea laginaren % 95,4ko estaldurarekin kalkulatu da.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62