2023/05/09ko prentsa-oharra
TXIKIZKAKO MERKATARITZAREN INDIZEA (BMIt). 2023/I
Txikizkako sektorearen salmentek % 1,7 egin dute gora Euskal AEn, 2023ko lehen hiruhilekoan
Aurreko hiruhilekoarekin alderatuta, salmentek % 0,6 egin dute gora
Euskal AEko txikizkako merkataritza-sektoreak % 1,7 handitu ditu salmentak, 2023ko lehen hiruhilekoan, aurreko urteko hiruhileko beraren aldean, egutegi-eraginak atera ondoren eta prezio finkoetan, Eustaten datuen arabera. Salmenten urte arteko hazkuntza, gasolina-zerbitzuguneak kontuan izan gabe, % 1,5ekoa izan da.
Aurreko hiruhilekoaren aldean, urtaro-eragin egokiak kenduta, salmenten indizeak % 0,6 egin du gora 2023ko lehen hiruhilekoan.
Elikagaietako salmentek, prezio finkoetan, % 0,2 egin dute gora, 2022ko lehen hiruhilekoarekin alderatuta. Gainerako produktuen sektorean, salmenten urte arteko igoera % 2,6koa izan da, 2023ko lehen hiruhilekoan. Automobilgintzarako erregaiaren sektorean, bestalde, salmentek % 5,1 egin dute gora, aurreko urteko hiruhileko beraren aldean.
2022ko laugarren hiruhilekoarekin alderatuta, urtaro-eraginik gabe eta prezio finkoetan, Elikagaien eta Gainerako produktuen salmentek % 0,9 eta % 2,3 egin dute gora, hurrenez hurren. Automobilgintzarako erregaiaren salmentek, berriz, % 2,8 egin dute behera, hiruhilekoen arteko terminoetan.
Euskal AEko Txikizkako Merkataritzaren Indizea. Urte arteko eta hilabete arteko aldakuntza-tasak (p). 2023/I
| | Prezio finkoak |
| | t / t-4 | t / t-1 | At / At-4 |
| INDIZE OROKORRA lurralde historikoaren arabera | | | |
| Euskal AE | 1,7 | 0,6 | 1,7 |
| Araba/Álava | -3,2 | -1,2 | -3,2 |
| Bizkaia | 4,7 | 1,1 | 4,7 |
| Gipuzkoa | -0,6 | 0,5 | -0,6 |
| | | | |
| INDIZE OROKORRA sektorearen arabera | | | |
| Janariak | 0,2 | 0,9 | 0,2 |
| Elikagaien saltoki espezializatuak | -2,9 | -0,6 | -2,9 |
| Elikagaiak nagusi diren establezimendu ez-espezializatuak | 1,6 | 1,3 | 1,6 |
| Gainerako produktuak | 2,6 | 2,3 | 2,6 |
| Pertsonaren ekipamenduan espezializatutako establezimenduak | 4,6 | -0,5 | 4,6 |
| Etxearen ekipamenduan espezializatutako establezimenduak | 0,0 | 1,2 | 0,0 |
| Kontsumoko beste ondasunetan espezializatutako establezimenduak | 7,4 | 3,2 | 7,4 |
| Gainerako produktuak nagusi diren establezimendu ez-espezializatuak | 1,1 | 0,4 | 1,1 |
| Automoziorako erregaia | 5,1 | -2,8 | 5,1 |
| | | | |
| INDIZE OROKORRA gasolindegirik gabe | 1,5 | 1,7 | 1,5 |
| | | | |
| LANGILERIA-INDIZEA | | | |
| Euskal AE | 1,0 | -0,2 | 1,0 |
(p)Behinbehineko datuak
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
At/A(t4) Lehen hiruhilekotik behatutako azkenekora arte metatutako aldiko urte arteko tasa (At) aurreko urtean metatutako aldi beraren aldean
Data 2023ko Maiatzaren 9a
Iturria: Eustat. Txikizkako Merkataritzaren Indizea (BMIt)
Elikagaien sektoreko txikizkako merkataritzaren barruan, Elikagaietan, edarietan eta tabakoan espezializatutako merkataritzaren salmentek (besteak beste, fruta-dendak, harategiak, arrandegiak…) behera egin dute, 2022ko lehen hiruhilekoarekin alderatuta, % 2,9. Elikagaiak, edariak eta tabakoa nagusi diren txikizkako merkataritza ez-espezializatuan (batez ere, supermerkatuak eta hipermerkatuak), berriz, % 1,6 handitu dira salmentak, urte arteko terminoetan.
Gainerako produktuen sektoreko txikizkako merkataritzaren barruan, Beste kontsumo-ondasun batzuetan espezializatutako sektorearen salmentek (hartan sartzen dira, besteak beste, kirol-produktuak, jolasak edo jostailuak) % 7,4 egin dute gora, aurreko urteko lehen hiruhilekoarekin alderatuta. Pertsonen ekipamenduetan espezializatutako sektorean (arropa, oinetakoak, produktu kosmetikoak edo higienekoak), urte arteko hazkuntza % 4,6koa izan da, Gainerako produktuak nagusi diren txikizkako merkataritza ez-espezializatuko sektorean (korrespondentzia edo Internet), % 1,1ekoa. Etxeko ekipamenduan espezializatutako sektorean (besteak beste, etxetresna elektrikoak, altzariak eta telekomunikazio-ekipoak), azkenik, salmentei eutsi egin zaie egonkor, aurreko urteko hiruhileko berarekin alderatuta.
Lurralde historikoen arabera, 2023ko lehen hiruhilekoko salmenta-indizeak urte arteko igoera izan du Bizkaian, % 4,7koa. Araban eta Gipuzkoan, berriz, % 3,2ko eta % 0,6ko jaitsiera izan da, hurrenez hurren.
Aurreko hiruhileko berarekin alderatuta, salmenten bilakaera positiboa izan da Bizkaian eta Gipuzkoan; % 1,1eko eta % 0,5eko hiruhilekoen arteko hazkuntzak izan dira, hurrenez hurren. Hala ere, Araban % 1,2 egin dute behera salmentek, 2022ko laugarren hiruhilekoaren aldean.
Euskal AE osoan, 2023ko lehen hiruhilekoan, aurreko urteko lehen hiruhilekoaren aldean, txikizkako merkataritzako sektorean enplegatuen kopurua % 1,0 igo da. % 0,2 jaitsi da enplegua, 2022. urteko laugarren hiruhilekoaren aldean.
INFORMAZIO-OHARRA
Eustatek eskerrak eman nahi dizkie informazio-bilketan elkarlanean jardun duten establezimendu guztiei. Haiei esker, hiruhileko honetako indizea laginaren % 93,5eko estaldurarekin kalkulatu da.
Informazio gehiagorako:
Eustat - Euskal Estatistika Erakundea / Instituto Vasco de Estadística
Donostia kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel: 945 01 75 62