2023/11/08ko prentsa-oharra
TXIKIZKAKO MERKATARITZAREN INDIZEA (BMIt). 2023/III
Euskal AEko txikizkako sektoreko salmentek % 0,7ko igoera izan dute 2023ko hirugarren hiruhilekoan
2023ko lehen hiru hiruhilekoen metatuan, txikizkako merkataritzaren salmentek % 1,1eko igoera izan dute
Eustatek landutako datuen arabera, Euskal AEko txikizkako merkataritzaren sektoreko salmentek % 0,7ko igoera izan dute 2023ko hirugarren hiruhilekoan, aurreko urteko hiruhileko berarekin alderatuta, egutegi-eraginak atera ondoren eta prezio konstanteetan. Salmenten urtetik urterako igoera, gasolina-zerbitzuguneak kontuan hartu gabe, % 0,3ra iritsi da.
Aurreko hiruhilekoarekin alderatuta, berriz, bidezko urtaro-eraginak kenduta, 2023ko hirugarren hiruhilekoko salmenta-indizeak % 0,1eko beherakada izan du.
Elikagaien sektoreko salmentek, prezio konstanteetan, % 1,4ko igoera izan dute 2022ko hirugarren hiruhilekoarekin alderatuta. Gainerako produktuen sektorean, berriz, salmentek % 0,7ko beherakada izan dute urtetik urtera. Azkenik, Automoziorako erregaiaren sektorean, salmentak aurreko urteko hilabete berekoak baino % 5,8 handiagoak izan dira.
2023ko bigarren hiruhilekoarekin alderatuta, urtaro-eraginik gabe eta prezio konstanteetan, Elikagaien sektoreko salmentek % 0,2ko igoera izan dute, eta Gainerako produktuen sektorekoek, berriz, % 2,4ko beherakada. Bestalde, Automoziorako erregaiaren sektoreko salmentek emaitza positiboa izan dute, eta % 4,8 igo dira.
Euskal AEko Txikizkako Merkataritzaren Indizea. Urte arteko eta hilabete arteko aldakuntza-tasak (p). 2023/III
| | Prezio finkoak |
| | t / t-4 | t / t-1 | At / At-4 |
| INDIZE OROKORRA lurralde historikoaren arabera | | | |
| Euskal AE | 0,7 | -0,1 | 1,1 |
| Araba/Álava | 1,1 | -0,3 | -1,9 |
| Bizkaia | 2,9 | 0,7 | 2,8 |
| Gipuzkoa | -2,6 | -1,2 | -0,1 |
| | | | |
| INDIZE OROKORRA sektorearen arabera | | | |
| Janariak | 1,4 | 0,2 | 1,1 |
| Elikagaien saltoki espezializatuak | -2,0 | -0,4 | -2,0 |
| Elikagaiak nagusi diren establezimendu ez-espezializatuak | 3,0 | 0,1 | 2,6 |
| Gainerako produktuak | -0,7 | -2,4 | 1,6 |
| Pertsonaren ekipamenduan espezializatutako establezimenduak | 5,0 | 0,4 | 4,2 |
| Etxearen ekipamenduan espezializatutako establezimenduak | -8,8 | -3,5 | -2,4 |
| Kontsumoko beste ondasunetan espezializatutako establezimenduak | 5,6 | 0,7 | 5,7 |
| Gainerako produktuak nagusi diren establezimendu ez-espezializatuak | 3,3 | -0,6 | 2,7 |
| Automoziorako erregaia | 5,8 | 4,8 | -1,9 |
| | | | |
| INDIZE OROKORRA gasolindegirik gabe | 0,3 | -1,2 | 1,4 |
| | | | |
| LANGILERIA-INDIZEA | | | |
| Euskal AE | 1,2 | 0,3 | 1,3 |
(p)Behinbehineko datuak
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
At/A(t4) Lehen hiruhilekotik behatutako azkenekora arte metatutako aldiko urte arteko tasa (At) aurreko urtean metatutako aldi beraren aldean
Data 2023ko Azaroaren 8a
Iturria: Eustat. Txikizkako Merkataritzaren Indizea (BMIt)
Elikagaiei lotutako txikizkako merkataritzaren barruan, Elikagaietan, edarietan eta tabakoan espezializatutako merkataritzan (fruta-dendak, harategiak, arrandegiak eta abar) egindako salmentek % 2,0ko beherakada izan dute 2022ko hirugarren hiruhilekoarekin alderatuta. Aitzitik, Elikagaiak, edariak eta tabakoa nagusi diren txikizkako merkataritza ez-espezializatuan (supermerkatuak eta hipermerkatuak nagusiki), salmentek % 3,0ko igoera izan dute urtetik urtera.
Gainerako produktuen txikizkako merkataritzaren barruan, Beste kontsumo-ondasun batzuetan espezializatutako sektorean (kirol-gaiak, jokoak eta jostailuak, besteak beste) salmentek % 5,6ko igoera izan dute aurreko urteko hirugarren hiruhilekoarekin alderatuta. Pertsonaren ekipamenduan espezializatutako sektorean (arropa, oinetakoak, produktu kosmetikoak edo higiene-produktuak), salmentek % 5,0ko igoera izan dute. Gainerako produktuak nagusi diren txikizkako merkataritza ez-espezializatuaren sektorean (korrespondentzia edo Internet), salmentak % 3,3 igo dira urtetik urtera. Etxeko ekipamenduaren sektorean (etxetresna elektrikoak, altzariak eta komunikazio-ekipamenduak), berriz, salmentek % 8,8ko beherakada izan dute.
Lurralde historikoak kontuan hartuta, 2023ko hirugarren hiruhilekoko salmenten indizeak % 2,9ko igoera izan du urtetik urtera Bizkaian, eta % 1,1ekoa Araban. Gipuzkoan, berriz, % 2,6ko beherakada gertatu da.
Aurreko hiruhilekoarekin alderatuta, salmenten bilakaera Bizkaian baino ez da positiboa izan, % 0,7ko igoerarekin. Araban, salmentek % 0,3ko beherakada izan dute hirugarren hiruhilekoan, aurreko hiruhilekoarekin alderatuta, eta Gipuzkoan, berriz, % 1,2koa.
Euskal AE osoan, 2023ko hirugarren hiruhilekoan txikizkako merkataritzaren sektorean aritu diren langileen kopuruak % 1,2ko igoera izan du aurreko urteko hirugarren hiruhilekoarekin alderatuta. Urteko bigarren hiruhilekoarekin alderatuta, berriz, igoera % 0,3koa izan da.
INFORMAZIO-OHARRA
Eustatek eskerrak eman nahi dizkie informazioa biltzen lagundu duten establezimendu guztiei. Haiei esker, hirugarren hiruhilekoko indizea laginaren % 95,3ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea, 1 01010 Vitoria-Gasteiz
Prentsa Zerbitzua: servicioprensa@eustat.eus Tel.: 945 01 75 62