2024/05/08ko prentsa-oharra
TXIKIZKAKO MERKATARITZAREN INDIZEA (BMIt). 2024/I
Euskal AEko txikizkako sektoreko salmentak % 0,8 jaitsi dira 2024ko lehen hiruhilekoan
Aurreko hiruhilekoaren aldean, salmentak % 0,4 gutxitu dira
Eustaten datuen arabera, Euskal AEko txikizkako merkataritzaren sektorearen salmentak % 0,8 jaitsi dira 2024ko lehen hiruhilekoan, aurreko urteko hiruhileko beraren aldean, egutegiaren eraginak aterata, eta prezio konstanteetan. Salmenten urte arteko jaitsiera, gasolindegiak kontuan hartu gabe, % 0,2koa izan da.
Aurreko hiruhilekoarekin alderatuta, eta dagozkion urtaro-ondorioak kenduta, salmenta-indizea % 0,4 murriztu da 2024ko lehen hiruhilekoan.
2023ko lehen hiruhilekoaren aldean, Elikaduraren sektorean salmentak % 0,2 gehitu dira prezio finkoetan. Gainerako produktuen sektorean, aldiz, salmenten urte arteko jaitsiera % 0,5ekoa izan da 2024ko lehen hiruhilekoan. Azkenik, Automobilgintzarako erregaiaren sektorean, salmentak aurreko urteko hiruhileko berean baino % 9,1 txikiagoak izan dira.
2023ko laugarren hiruhilekoaren aldean, urtaroen eraginak kenduta eta prezio konstanteetan, Elikagaien salmentak % 0,3 gehitu dira. Gainerako produktuetan eta Automobilgintzarako erregaian, berriz, salmentak jaitsi egin dira hiruhileko artean, % 0,1 eta % 1,9, hurrenez hurren.
Euskal AEko Txikizkako Merkataritzaren Indizea. Urte arteko eta hilabete arteko aldakuntza-tasak (p). 2024/I
| | Prezio finkoak |
| | t / t-4 | t / t-1 | At / At-4 |
| INDIZE OROKORRA lurralde historikoaren arabera | | | |
| Euskal AE | -0,8 | -0,4 | -0,8 |
| Araba/Álava | -1,9 | -1,3 | -1,9 |
| Bizkaia | -0,5 | -0,1 | -0,5 |
| Gipuzkoa | -0,9 | -0,4 | -0,9 |
| | | | |
| INDIZE OROKORRA sektorearen arabera | | | |
| Janariak | 0,2 | 0,3 | 0,2 |
| Elikagaien saltoki espezializatuak | -0,3 | -0,4 | -0,3 |
| Elikagaiak nagusi diren establezimendu ez-espezializatuak | 0,4 | 1,0 | 0,4 |
| Gainerako produktuak | -0,5 | -0,1 | -0,5 |
| Pertsonaren ekipamenduan espezializatutako establezimenduak | 1,8 | -0,6 | 1,8 |
| Etxearen ekipamenduan espezializatutako establezimenduak | -4,3 | -1,6 | -4,3 |
| Kontsumoko beste ondasunetan espezializatutako establezimenduak | 2,2 | -0,5 | 2,2 |
| Gainerako produktuak nagusi diren establezimendu ez-espezializatuak | 1,4 | 0,3 | 1,4 |
| Automoziorako erregaia | -9,1 | -1,9 | -9,1 |
| | | | |
| INDIZE OROKORRA gasolindegirik gabe | -0,2 | 0,1 | -0,2 |
| | | | |
| LANGILERIA-INDIZEA | | | |
| Euskal AE | 1,5 | 0,1 | 1,5 |
(p)Behinbehineko datuak
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
At/A(t4) Lehen hiruhilekotik behatutako azkenekora arte metatutako aldiko urte arteko tasa (At) aurreko urtean metatutako aldi beraren aldean
Data 2024ko Maiatzaren 8a
Iturria: Eustat. Txikizkako Merkataritzaren Indizea (BMIt)
Elikaduraren txikizkako merkataritzaren barruan, Elikagaietan, edarietan eta tabakoan espezializatutako merkataritzan (fruta-dendak, harategiak, arrandegiak, etab.), salmentak % 0,3 jaitsi dira 2023ko lehen hiruhilekoaren aldean. Elikagaiak, edariak eta tabakoa nagusi diren txikizkako merkataritza ez-espezializatuan (supermerkatuak eta hipermerkatuak nagusiki) (supermerkatuak eta hipermerkatuak, batez ere), aldiz, salmentak % 0,4 igo dira urtetik urtera.
Gainerako produktuen txikizkako merkataritzaren barruan, Beste kontsumo-ondasun batzuetan espezializatutako sektorearen salmentak (besteak beste, kirol-gaiak, jokoak edo jostailuak, besteak beste) % 2,2 gehitu dira aurreko urteko lehen hiruhilekoaren aldean. Pertsonen ekipamenduan espezializatutako sektorean (arropa, oinetakoak, kosmetika- edo higiene-produktuak), salmenten urte arteko hazkundea % 1,8koa izan da, eta Gainerako produktuak nagusi diren txikizkako merkataritza ez-espezializatuaren sektorean (korrespondentzia edo Internet) % 1,4koa. Etxeko ekipamenduan espezializatutako sektorean (etxetresna elektrikoak, altzariak eta telekomunikazio-ekipamenduak), salmentek % 4,3ko jaitsiera izan dute.
Lurralde historikoen arabera, 2024ko lehen hiruhilekoko salmenta-indizeak urte arteko jaitsiera izan du lurralde historiko guztietan. Araban indizea % 1,9 jaitsi da, Gipuzkoan % 0,9 eta, azkenik, Bizkaian % 0,5.
Aurreko hiruhilekoarekin alderatuta, salmenten bilakaera ere negatiboa izan da hiru lurraldeetan. 2023ko laugarren hiruhilekoaren aldean, Araban salmentak % 1,3 jaitsi dira, Gipuzkoan % 0,4 eta, azkenik, Bizkaian % 0,1.
2024ko lehen hiruhilekoan, Euskal AE osoan, txikizkako merkataritzaren sektorean lan egiten duen pertsona kopurua % 1,5 gehitu da aurreko urteko lehenengo hiruhilekoaren aldean. 2023ko laugarren hiruhilekoaren aldean, enplegua % 0,1 gehitu da.
INFORMAZIO-OHARRA
Eustatek eskerrak eman nahi dizkie informazioa biltzen lagundu duten establezimendu guztiei. Horiei esker, hiruhileko honetako indizea laginaren % 80,0ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62