2024/08/08ko prentsa-oharra
TXIKIZKAKO MERKATARITZAREN INDIZEA (BMIt). 2024/II
Euskal AEko txikizkako sektorearen salmentak % 0,9 igo dira 2024ko bigarren hiruhilekoan
Urteko lehen sei hilabeteetako metatuan, salmentak % 1,2 gehitu dira
Eustaten datuen arabera, Euskal AEko txikizkako merkataritzaren sektorearen salmentak % 0,9 igo dira 2024ko bigarren hiruhilekoan, aurreko urteko hiruhileko beraren aldean, egutegiaren ondorioak prezio konstanteetan atera ondoren. Salmenten urte arteko igoera, gasolindegiak kontuan hartu gabe, % 1,5ekoa izan da.
Aurreko hiruhilekoarekin alderatuta, dagozkion urtaro-ondorioak kenduta, salmenta-indizea % 0,2 igo da 2024ko bigarren hiruhilekoan.
2023ko bigarren hiruhilekoaren aldean, Elikaduraren sektoreko salmentak % 4,4 gehitu dira prezio finkoetan. Gainerako produktuetan, aldiz, salmenten urte arteko jaitsiera % 1,7koa izan da 2024ko bigarren hiruhilekoan. Azkenik, Automobilgintzarako erregaiaren sektorean, salmentak aurreko urteko hiruhileko berean baino % 6,1 txikiagoak izan dira.
2024ko lehen hiruhilekoaren aldean, termino desestazionalizatuetan eta prezio konstanteetan, Elikaduraren salmentak % 2,6 gehitu dira. Gainerako produktuetan eta Automobilgintzarako erregaian, berriz, salmentak hiruhileko artean % 0,9 eta % 4,7 jaitsi dira, hurrenez hurren.
Euskal AEko Txikizkako Merkataritzaren Indizea. Urte arteko eta hilabete arteko aldakuntza-tasak (p). 2024/II
| | Prezio finkoak |
| | t / t-4 | t / t-1 | At / At-4 |
| INDIZE OROKORRA lurralde historikoaren arabera | | | |
| Euskal AE | 0,9 | 0,2 | 1,2 |
| Araba/Álava | 0,1 | -0,6 | 0,6 |
| Bizkaia | 0,8 | 0,4 | 1,0 |
| Gipuzkoa | 1,4 | 0,3 | 1,7 |
| | | | |
| INDIZE OROKORRA sektorearen arabera | | | |
| Janariak | 4,4 | 2,6 | 3,7 |
| Elikagaien saltoki espezializatuak | 5,0 | 1,9 | 2,6 |
| Elikagaiak nagusi diren establezimendu ez-espezializatuak | 4,2 | 2,5 | 4,1 |
| Gainerako produktuak | -1,7 | -0,9 | -1,0 |
| Pertsonaren ekipamenduan espezializatutako establezimenduak | 0,4 | 0,0 | 1,1 |
| Etxearen ekipamenduan espezializatutako establezimenduak | -2,6 | -0,2 | -5,2 |
| Kontsumoko beste ondasunetan espezializatutako establezimenduak | -7,8 | -1,9 | -4,0 |
| Gainerako produktuak nagusi diren establezimendu ez-espezializatuak | 2,3 | 0,4 | 4,8 |
| Automoziorako erregaia | -6,1 | -4,7 | -2,7 |
| | | | |
| INDIZE OROKORRA gasolindegirik gabe | 1,6 | 1,0 | 1,5 |
| | | | |
| LANGILERIA-INDIZEA | | | |
| Euskal AE | 0,8 | 0,1 | 1,4 |
(p)Behinbehineko datuak
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
At/A(t4) Lehen hiruhilekotik behatutako azkenekora arte metatutako aldiko urte arteko tasa (At) aurreko urtean metatutako aldi beraren aldean
Data 2024ko Abuztuaren 8a
Iturria: Eustat. Txikizkako Merkataritzaren Indizea (BMIt)
Elikaduraren txikizkako merkataritzaren barruan, Elikagaietan, edarietan eta tabakoan espezializatutako merkataritzaren salmentak (fruta-dendak, harategiak, arrandegiak, etab.) % 5 igo dira 2023ko bigarren hiruhilekoaren aldean. Txikizkako merkataritza Ez-espezializatua, elikagaiak, edariak eta tabakoa nagusi (supermerkatuak eta hipermerkatuak, batez ere), bestalde, % 4,2 hazi da urte arteko terminoetan.
Gainerako produktuen txikizkako merkataritzaren barruan, Beste kontsumo-ondasun batzuetan espezializatutako sektorearen salmentak (besteak beste, kirol-gaiak, jokoak edo jostailuak) % 7,8 murriztu dira aurreko urteko bigarren hiruhilekoaren aldean. Etxeko ekipamenduan espezializatutako sektorean (etxetresna elektrikoak, altzariak eta telekomunikazio-ekipoak barne), salmentak % 2,6 jaitsi dira urte artean.
Pertsonen ekipamenduan espezializatutako sektorean (arropa, oinetakoak, kosmetika- edo higiene-produktuak), aldiz, salmentak % 0,4 gehitu dira urte artean, eta gainerako produktuetan nagusi den espezializatu gabeko sektorean (korrespondentzia edo Internet) % 2,3.
Lurralde historikoen arabera, 2024ko bigarren hiruhilekoko salmenta-indizeak urte arteko hazkundea izan du lurralde historiko guztietan. Araban indizea % 0,1 igo da, Gipuzkoan % 1,4 eta, azkenik, Bizkaian % 0,8.
Aurreko hiruhilekoarekin alderatuta, salmenten bilakaera negatiboa izan da Araban, eta positiboa Bizkaian eta Gipuzkoan. Araban salmentek % 0,6 egin dute behera 2024ko lehen hiruhilekoaren aldean; Gipuzkoan eta Bizkaian, berriz, % 0,3 eta % 0,4 egin dute gora, hurrenez hurren.
2024ko bigarren hiruhilekoan, Euskal AE osoan, txikizkako merkataritzaren sektorean lan egiten duen pertsona kopurua % 0,8 gehitu da aurreko urteko bigarren hiruhilekoaren aldean. 2024ko lehen hiruhilekoaren aldean, enplegua % 0,1 gehitu da.
2024ko LEHEN SEIHILEKOAREN BALANTZEA
Lehenengo sei hilabeteetako metatuak % 1,2ko igoera izan du salmentetan, eta igoera hori hiru lurraldeetan izan da: % 0,6 Araban, % 1,0 Bizkaian eta % 1,7 Gipuzkoan.
Elikaduran, salmenten metatuak % 3,7ko igoera izan du; Gainerako produktuetan, berriz, aldakuntza metatua negatiboa izan da, % 1,0koa; Automobilgintzarako erregaiak % 2,7ko jaitsiera izan du. Gainerako produktuen barruan, Pertsonaren ekipamenduan espezializatutako sektorea eta gainerako produktuetan nagusi den espezializatu gabeko sektoreak (korrespondentzia edo Internet) bakarrik izan dituzte aldakuntza positiboak lehen seihilekoan % 1,1 eta % 4,8, hurrenez hurren.
INFORMAZIO-OHARRA
Txikizkako merkataritzaren indizearen erreferentzia-urtea berritu da, eta 2021a izango da indizearen oinarri berria. Oinarri-aldaketaren prozesuak metodologia sakonki eguneratzea ekarri du, eta, besteak beste, baliozkotzeko eta egozteko metodoak berrikusi dira eta aztertu beharreko biztanleria doitu da. Horrek guztiak indizearen serieak eguneratzea ekarri du.
Urte arteko aldakuntzak egutegiaren eraginak zuzendutako serieetan oinarrituta kalkulatzen dira, eta hil arteko aldakuntzak urtarokotasunik gabeko serieetan oinarrituta.
Eustatek eskerrak eman nahi dizkie informazioa biltzen lagundu duten establezimendu guztiei. Horiei esker, hiruhileko honetako indizea laginaren % 96,02ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62