Estatistikako informazio orokorra

HomeZerbitzuakProduktuen katalogoaEstatistikako informazio orokorra

Estatistikako informazio orokorra

Euskal urtekari estatistikoa

Oinarrizko helburua Euskal AEko errealitatearen arlo bakoitzean (ekonomian, hezkuntzan, gizartean, politikan, kulturan, eta abarretan) erreferentziako aldian sortu den informazio interesgarriena maila orokorrean zabaltzea da; eta, aldi berean, beste lurraldeekiko konparazio-elementuak ere eskaintzea. 17 kapituluz osaturik dago.

Urterokoa 1982tik aurrera.

TARIFA 5

Estatistika-boletina

Hilean behingo lehen boletina 1990eko urtarriletik 1992a arte argitaratu zen. 1993az geroztik, hiru hilean behin argitaratzen da. Argitalpen horren helburua EUSTATek etengabe kaleratzen duen koiunturazko produkzioa argitalpen bakarrean zabaltzea da.

Datu hauek biltzen ditu: Biztanleria Jardueraren Arabera (BJA) sailkatzeko inkesta Biztanleriaren Berezko Mugimendua (BBM); Industri Produkzioaren Indizea (IPI); Industri Prezioen Indizea (IPRI); Eraikuntzaren Koiunturari buruzko Indizea (EKI); Eraikuntzaren kostuen indizea (EKI); Barne-Merkataritzaren Indizea (BMI); Azalera Handietako Merkataritzaren Indizea (AHMI); Azalera Handietako Salmenten Indizea (AHSI); Establezimendu Turistiko Hartzaileen Inkesta (ETHI); Kanpo-Merkataritzaren Estatistika (KME) eta Informazioaren Gizarteari Buruzko Inkesta-Familiak (IGI-F).

Hiru hileroko maiztasuna 1993tik aurrera.

TARIFA 2

Euskadi zenbakitan

Sintesiko eragiketa honen bidez, hurbilketa panoramiko bat eskaini nahi da Euskal AEko errealitate demografiko, ekonomiko eta sozialera, herrialde aurreratuenekin konparatuz, batez ere Europar Batasunekoekin. Bertan, adierazle-multzo bat biltzen da, europar ingurunearekiko dugun toki erlatiboa ezagutzen lagun dezaketenak.

Argitalpenak: Euskara-Gaztelania / Ingelesa-Frantsesa.

Urteak: 1992, 1995 eta 1999tik bi urtean behingoa.

TARIFA 2

Udal-adierazleak

Argitalpen hau zentsuetatik eta/edo erroldetatik sortzen den informazioa ustiatzen denean egiten da, eta bere helburua udalerri eta eskualde mailako oinarrizko datu estatistikoak irakurlearen eskueran jartzea da. Begi bistakoa da, Euskal AE ezagutu nahi bada, norbera bizi den udalerritik bertatik hastea dela errazena.

Urteak: 1985, 1988 eta 1994.

Udal adierazleak 1999

Argitalpen honen helburua Euskal AEri buruzko gai-sail zabal bat eskaintzea da, eta mundu zabaleko beste herrialde batzuekin konparatzea; horrela, gure errealitate demografikoa, ekonomikoa eta soziala ikuspegi orokor batez ezagutu ahal izateko. Grafikoz eta argazkiz hornituta dago.

Argitalpen-urtea: 1999tik aurrera urtero eguneratzen da eta Internet zerbitzariaren bidez zabaltzen da.

TARIFA 3

Euskal AEko laburbilduma

Argitalpen-urteak:: 1984, 1987, 1990 eta 1994.

Euskal AEko gaikako atlas estatistikoa

Atlas honen helburu nagusia gure erkidegoari buruzko oinarrizko datuak irudien bidez ulertu ahal izatea da, bai eta lurralde horren egitura ezagutzea eta Euskal AE osatzen duten eremu guztiak bereiztea eta kokatzea ere. Era berean, gure erkidegoa Estatuko eta Europako beste lurralde batzuekin erkatu eta alderatu nahi izan dugu, erronkaz betetako kokagune geoestrategikoa baitugu eremu horretan.

Bilduma osoa. Bi liburuz osatuta dago: bata, mapei dagokiena; eta, bestea, estatistika-taulei dagokiena. Lau koloretan argitaratua eta DIN A3 neurrikoa.

Argitalpen-urtea: 1996

TARIFA 6

Eskolarako argitalpena. Hona hemen horren osagaiak: koloretako atlasa, zuri-beltzeko bi karpeta, mapen karpeta eta taulen karpeta, eta pedagogi fitxen eskuliburua. Hezkuntza-jarduerak pedagogi fitxen bidez egiteko osatu da liburu hori. Karpeten bidez mapak fotokopiatu daitezke, ondoren ikasleen artean banatzeko.

Argitalpen-urtea: 1997

TARIFA 6

Atlas Elektronikoa. CD ROM batek eta bost disketek osatzen dute, demografia-modulu txikiarekin.

TARIFA 4

Pirinioetako atlas estatistikoa

Lehen aldiz, mugaz gaindiko lankidetzaren esparruan, Pirinioetako alde bietako estatistikari batzuek mendiguneari buruzko atlas estatistikoa egin dute. Ez-osoa izan arren, lehenengo azterlan honek Pirinioei buruzko ikuspegi bat ematen du: 49.850 km2, 1.101.000 biztanle, 617.000 etxebizitza (horien artean, 167.000 bigarren bizilekuak dira), 45.000 lanpostu nekazaritzan, 108.000 lanpostu industrian, 40.000 lanpostu eraikuntzan, 205.000 lanpostu hirugarren sektorean, nekazaritzakoez aparte, 92.000 establezimendu eta 5,8 milioi turista baino gehiago dira, besteak beste, argitalpen honetan ematen diren datuak.

Argitalpen-urtea: 2002

TARIFA: 15 €

Euskal Estatistika Kontseiluaren Txostena

Euskal Estatistika Kontseiluaren barne-funtzionamenduko erregelamenduak xedatzen duenez, erakunde horrek bere jarduera jasoko duen txostena onetsi beharko du urtero. Kontseiluaren aginduzko zereginak eta bertan ordezkariak dituzten erakundeen eta titularren zerrenda ematen dira bertan, bai eta ekitaldi bakoitzean egindako, eginbidean dauden edo epe laburrera hasteko eragiketen zerrenda ere.

Urterokoa 1987tik aurrera

DOHAINIK